പാലക്കാട്: സഖി കേന്ദ്രത്തിൽ നിന്ന് കാണാതായ മൂന്നു പെൺകുട്ടികളെയും കണ്ടെത്തി. കാണാതായവരിൽ 14കാരിയെ തമിഴ്നാട്ടിലെ ദിണ്ഡിഗലിൽ നിന്നും 17 കാരിയെ മണ്ണാർക്കാടുനിന്നുമാണ് കണ്ടെത്തിയത്. ഒരു കുട്ടി നേരത്തെ സ്വന്തം വീട്ടിലെത്തിയിരുന്നു.(The three missing girls from Sakhi in Palakkad were found)
കാണാതായതുമുതൽ കുട്ടികൾക്കായി പൊലീസ് അന്വേഷണം വ്യാപിപ്പിച്ചിരുന്നു. വീട്ടിലേക്ക് പോകാനുള്ള ആഗ്രഹം കൊണ്ടാണ് കേന്ദ്രത്തിൽ നിന്ന് രക്ഷപ്പെട്ടതെന്നാണ് കുട്ടികൾ പൊലീസിനോട് പറഞ്ഞത്. സഖി കേന്ദ്രത്തിൽ നിന്നും ഇറങ്ങിയ ശേഷം വീട്ടിലേക്ക് പോവുകയാണെന്ന് പറഞ്ഞാണ് മൂവരും പിരിഞ്ഞത്.
ഇക്കഴിഞ്ഞ 17ന് വൈകിട്ടാണ് പാലക്കാട് ജില്ലാ ആശുപത്രിക്ക് സമീപം പ്രവർത്തിക്കുന്ന സഖി കേന്ദ്രത്തിൽ നിന്ന് കുട്ടികളെ കാണാതായത്. മൂന്ന് പെൺകുട്ടികളിൽ ഒരാൾ പോക്സോ അതിജീവിതയാണ്.
