പാലക്കാട് ഒറ്റപ്പാലത്ത് വൻ കവർച്ച. മാന്നനൂര് ത്രാങ്ങാലി മൂച്ചിക്കല് ബാലകൃഷ്ണന്റെ വീട്ടിലാണ് മോഷണം നടന്നത്. വീട് കുത്തിത്തുറന്ന മോഷ്ടാക്കൾ 63 പവന് സ്വര്ണവും ഒരു ലക്ഷം രൂപയും കവര്ന്നു. 35,000 രൂപ വിലവരുന്ന ഒരു റാഡോ വാച്ചും മോഷണം പോയിട്ടുണ്ട്. Thieves steal 63 gold pieces and Rs 1 lakh in Ottapalam
വ്യാഴാഴ്ച രാത്രി ഏഴ് മണിക്കും വെള്ളിയാഴ്ച രാവിലെ ആറ് മണിക്കും ഇടയിലാണ് മോഷണം. മുകള് നിലയിലെ വാതില് കുത്തിതുറന്ന് വീടിനകത്ത് കയറിയ മോഷ്ടാവ് താഴെ കിടപ്പുമുറിയില് സൂക്ഷിച്ചിരുന്ന സ്വര്ണവും പണവുമാണ് കവര്ന്നത്.
വ്യാഴാഴ്ച രാത്രി ബാലകൃഷ്ണന് വീട് പൂട്ടി മകളുടെ വീട്ടില് പോയതായിരുന്നു. വെള്ളിയാഴ്ച രാവിലെ തിരിച്ചത്തിയപ്പോഴാണ് മോഷണം നടന്ന വിവരം അറിയുന്നത്. വിരലടയാള വിദഗ്ധരും ഡോഗ് സ്ക്വാഡും സ്ഥലത്ത് പരിശോധന നടത്തി. ഒറ്റപ്പാലം പോലീസ് കേസെടുത്ത് അന്വേഷണം തുടങ്ങി.
