യാത്രക്കാർക്ക് ഒരു കുറവുമില്ലെങ്കിലും അവ​ഗണനമാത്രം; ചാ​ല​ക്കു​ടി, മു​രി​ങ്ങൂ​ർ റെ​യി​ൽ​വേ സ്റ്റേ​ഷ​നു​കളിൽ ഇനിയും ജീവനുകൾ പൊലിഞ്ഞേക്കാം: യഥാർഥ പ്രശ്നം ഇതാണ്

ചാ​ല​ക്കു​ടി: കാ​ൽ​ന​ട​യാത്രക്ക് മേ​ൽ​പ്പാ​ല​ങ്ങ​ൾ ഇ​ല്ലാ​ത്ത​തി​നാ​ൽ ചാ​ല​ക്കു​ടി, മു​രി​ങ്ങൂ​ർ റെ​യി​ൽ​വേ സ്റ്റേ​ഷ​നു​ക​ളി​ൽ റെ​യി​ൽ​പ്പാ​ള​ങ്ങ​ൾ ദു​ര​ന്ത​ത്തി​ലേ​ക്ക് വ​ഴി തു​റ​ക്കു​ന്നു. മു​രി​ങ്ങൂ​രി​ൽ പ്ലാ​റ്റ്ഫോ​മി​ൽ​നി​ന്ന് പ്ളാ​റ്റ് ഫോ​മി​ലേ​ക്കു​ള്ള യാ​ത്ര​ക്ക് മേ​ൽ​പ്പാ​ലം ഇ​ല്ലാ​ത്ത​തും ചാ​ല​ക്കു​ടി​യി​ൽ നാ​ട്ടു​കാ​ർ​ക്ക് റ​യി​ൽ​പ്പാ​ള​ങ്ങ​ൾ ക​ട​ക്കാ​ൻ കാ​ൽ​ന​ട യാത്ര​ക്കാ​രു​ടെ മേ​ൽ​പ്പാ​ലം ഇ​ല്ലാ​ത്ത​തു​മാ​ണ് ദു​ര​ന്ത​ത്തി​ന് കാ​ര​ണ​മാ​കു​ന്ന​ത്.

ഡി​വൈ​ൻ ന​ഗ​ർ റെ​യി​ൽ​വേ സ്റ്റേ​ഷ​നി​ൽ പാ​ത മു​റി​ച്ച് ക​ട​ന്ന ഒ​രു സ്ത്രീ ​മ​രി​ക്കു​ക​യും മ​റ്റൊ​രു സ്ത്രീ​ക്ക് പ​രി​ക്കേ​ൽ​ക്കു​ക​യും ചെ​യ്ത​ത് കഴിഞ്ഞ ദിവസമാണ്. ഇതോടെയാണ് ഈ ​വി​ഷ​യം കൂ​ടു​ത​ൽ ച​ർ​ച്ച​യാ​കുന്നത്. മു​രി​ങ്ങൂ​ർ ഡി​വൈ​ൻ ന​ഗ​ർ റ​യി​ൽ​വേ സ്റ്റേ​ഷ​നി​ൽ യാ​ത്ര​ക്കാ​ർ​ക്ക് പ്ലാ​റ്റ്ഫോ​മി​ൽ​നി​ന്ന് പ്ലാ​റ്റ്ഫോ​മി​ലേ​ക്ക് ക​ട​ക്കാ​ൻ കാ​ൽ​ന​ട​ക്കാ​രു​ടെ മേ​ൽ​പ്പാ​ലം നി​ർ​മി​ക്കാത്തതിനെ തുടർന്ന് നാ​ളു​ക​ളാ​യി പ​രാ​തി ഉ​യ​രു​ന്നുണ്ട്.

പ്ര​ധാ​ന​മാ​യും ഡി​വൈ​ൻ ധ്യാ​ന കേ​ന്ദ്ര​ത്തി​ൽ വ​രു​ന്ന​വ​ർ​ക്ക് വേ​ണ്ടി​യാ​ണ് ചാ​ല​ക്കു​ടി​ക്ക് സ​മീ​പം ഈ ​റെ​യി​ൽ​വേ സ്റ്റേ​ഷ​ൻ നി​ർ​മിച്ചിരിക്കുന്നത് തന്നെ. ധ്യാ​ന​വു​മാ​യി ബ​ന്ധ​പ്പെ​ട്ട് തി​ര​ക്കു​ള്ള പ്ര​ത്യേ​ക ദി​വ​സ​ങ്ങ​ളി​ൽ മാ​ത്ര​മാ​ണ് എ​ക്സ്പ്ര​സ് ട്രെ​യ്നു​ക​ൾക്ക് ഇ​വി​ടെ സ്റ്റോപ്പുള്ളത്. അ​തു​കൊ​ണ്ട് ത​ന്നെ യാ​ത്ര​ക്കാ​ർ​ക്ക് വേ​ണ്ട സൗ​ക​ര്യ​ങ്ങ​ൾ ഏ​ർ​പ്പെ​ടു​ത്താ​ൻ ഇ​നി​യും അ​ധി​കൃ​ത​ർ ത​യാ​റാ​യി​ട്ടി​ല്ലെന്നതാണ് യാഥാർഥ്യം.

എ​ന്നാ​ൽ ഡിവൈൻ ധ്യാനകേന്ദ്രത്തിൽ പ്രാർഥന നടക്കുന്ന ദി​വ​സ​ങ്ങ​ളി​ൽ നി​ര​വ​ധി പേ​രാ​ണ് ഈ റെയിൽവേ ​സ്റ്റേ​ഷ​നെ ആ​ശ്ര​യി​ക്കു​ന്ന​ത്. ഇ​വി​ട​ത്തെ പ്ലാ​റ്റ്ഫോ​മി​ന് ഉ​യ​രം കൂ​ടു​ത​ലാ​യ​തി​നാ​ൽ റെ​യി​ൽ​വേ സ്റ്റേ​ഷ​ൻ ഭാ​ഗ​ത്ത് പാ​ളം മു​റി​ച്ചു ക​ട​ക്കാ​ൻ സ്ത്രീ​ക​ള​ട​ക്ക​മു​ള്ള​വ​ർ​ക്ക് സാധിക്കാത്തതും വിനയാവുകയാണ്.

അ​തി​നാ​ൽ യാ​ത്ര​ക്കാ​ർ പ്ലാ​റ്റ്ഫോം ക​ഴി​ഞ്ഞ് കുറച്ച് മാ​റി റെ​യി​ൽ​പ്പാ​ളം മു​റി​ച്ചു ക​ട​ക്കു​ക​യാ​ണ് പ​തി​വ്. ഇ​ങ്ങ​നെ പാ​ളം ക​ട​ക്കു​ന്ന​തി​നി​ടെ ട്രെ​യി​ൻ വ​രു​ന്ന​ത് ശ്ര​ദ്ധ​യി​ൽ​പ്പെ​ടാ​റില്ലെന്നാണ് സത്യം. ചാ​ല​ക്കു​ടി റെ​യി​ൽ​വേ സ്റ്റേ​ഷ​നി​ലെ പ്ര​ശ്നം മ​റ്റൊ​ന്നാ​ണ്. ചാ​ല​ക്കു​ടി​യി​ൽ പ്ലാ​റ്റ്ഫോ​മി​ൽ​നി​ന്ന് മ​റ്റൊ​ന്നി​ലേ​ക്ക് പോ​കാ​ൻ യാ​ത്ര​ക്കാ​ർ​ക്ക് മേ​ൽ​പ്പാ​ല​മു​ണ്ട്.

എ​ന്നാ​ൽ സ്റ്റേ​ഷ​ന്റെ തെ​ക്കു​വ​ശ​ത്ത് പ്ര​ദേ​ശ​വാ​സി​ക​ൾ​ക്ക് പാ​ള​ങ്ങ​ൾ മു​റി​ച്ചു ക​ട​ക്കാ​ൻ നി​ർ​മി​ച്ച കാ​ൽ​ന​ട​ക്കാ​രു​ടെ ന​ട​പ്പാ​ത അ​റ്റ​കു​റ്റ​പ്പ​ണി​യു​ടെ പേ​രി​ൽ അ​ട​ച്ചി​ട്ട​താ​ണ് ഇപ്പോഴത്തെ പ്ര​ശ്നം. ഇ​തു​മൂ​ലം പാ​ത​യു​ടെ അ​പ്പു​റ​ത്ത് താ​മ​സി​ക്കു​ന്ന ന​ഗ​ര​സ​ഭ വാ​ർ​ഡു​ക​ളി​ലെ നി​ര​വ​ധി പേ​ർ ഇ​തു​മൂ​ലം ദു​രി​ത​ത്തി​ലാ​യി​രി​ക്കു​ക​യാ​ണ്.

ര​ണ്ടു വ​ർ​ഷ​ത്തി​ലേ​റെ​യാ​യി ന​ട​പ്പാ​ല​ത്തി​ന്റെ കാ​ര്യം ത​ർ​ക്ക​ത്തി​ലാ​ണ്. ഈ ​പാ​ലത്തിൽ ഇനി അ​റ്റ​കു​റ്റ​പ്പ​ണി ന​ട​ത്ത​ണ​മെ​ങ്കി​ൽ ചാ​ല​ക്കു​ടി ന​ഗ​ര​സ​ഭ 21 ല​ക്ഷം രൂ​പ ന​ൽ​ക​ണ​മെ​ന്നാ​ണ് റെ​യി​ൽ​വേ പറയുന്നത്.

എ​ന്നാ​ൽ റെ​യി​ൽ​വേ സ്റ്റേ​ഷ​നി​ൽ അ​വ​രു​ടെ സ്വ​ന്തം സ്ഥ​ല​ത്ത് റെ​യി​ൽ​വേ നി​ർ​മി​ച്ച ന​ട​പ്പാ​ല​ത്തി​ന് എ​ന്തി​ന് ന​ഗ​ര​സ​ഭ പ​ണം ന​ൽ​ക​ണ​മെ​ന്നാ​ണ് ന​ഗ​ര​സ​ഭ​യു​ടെ ചോ​ദ്യം.