ബോഡി ബിൽഡിങ്ങിനു സിങ്ക് അനിവാര്യമാണെന്ന ധാരണയിൽ യുവാവ് 39 നാണയങ്ങളും 37 കാന്തങ്ങളും വിഴുങ്ങി.
ഭക്ഷണം കഴിക്കാനോ വെള്ളം കുടിക്കാനോ കഴിയാതെ അവശനിലയിലായ യുവാവ് സർ ഗംഗാ റാം ആശുപത്രിയിലെത്തിയതോടെയാണ് കാര്യങ്ങൾ പുറത്തറിയുന്നത്. എക്സ്റേയിൽ ചില വസ്തുക്കൾ കുടലിൽ തടസം സൃഷ്ടിക്കുന്നതായി വ്യക്തമായി. തുടർന്ന് അടിവയറിന്റെ സിസിടിവി സ്കാനിംഗ് എടുത്തപ്പോൾ നാണയങ്ങളുടെയും കാന്തങ്ങളുടെയും ആകൃതിയിലുള്ള വസ്തുക്കൾ വയറിനുള്ളിൽ കണ്ടെത്തുകയായിരുന്നു. നാണയങ്ങളും കാന്തങ്ങളും കുടലിൽ തുടർന്നതോടെ അമിതമായി സിങ്ക് ആഗിരണം ചെയ്യുന്നതിന് കാരണമായെന്ന് ഡോക്കറ്റ്മറർ പറഞ്ഞു.
20 ദിവസത്തിലേറെയായി ഛർദ്ദിയും വയറുവേദനയും മൂലം യുവാവ് ബുദ്ധിമുട്ടുകയായിരുന്നു. മാനസിക വെല്ലുവിളി നേരിടുന്നയാളാണ് 26-കാരൻ. സിങ്ക് ബോഡി ബിൽഡിംഗിൽ സഹായിക്കുമെന്ന് കരുതിയാണ് നാണയങ്ങളും കാന്തങ്ങളും അകത്താക്കിയതെന്ന് യുവാവ് പറഞ്ഞു. പിന്നാലെ രോഗിയെ ശസ്ത്രക്രിയയ്‌ക്ക് വിധേയമാക്കി. 1,2,5 രൂപയുടെ നാണങ്ങളും ഹൃദയത്തിന്റെ ആകൃതി, ഗോളം, നക്ഷത്രാകൃതി, ത്രികോണം തുടങ്ങിയ ആകൃതിയിലുള്ള കാന്തങ്ങളും പുറത്തെടുത്തു.
