ചില്ലറ ചോദിച്ചു കടയിലെത്തി കടയുടെ സ്ത്രീയെ കടന്നുപിടിച്ച യുവാവിനെ പിടികൂടി നാട്ടുകാർ. തിരുവനന്തപുരം കാട്ടാക്കടയിൽ ആണ് സംഭവം. മലയിൻകീഴ് ഇരട്ട കലുങ്ക് സ്വദേശി അഖിലാണ് പോലീസിന്റെ പിടിയിലായത്.
സംഭവത്തെക്കുറിച്ച് പോലീസ് പറയുന്നത്:
കാട്ടാക്കട മണ്ഡപത്തിൽ കടവിൽ സ്ത്രീ നടത്തുന്ന സ്ഥാപനത്തിൽ ആണ് സംഭവം. കടയിലെത്തിയ യുവാവ് ചില്ലറ തരുമോ എന്ന് ചോദിച്ച് കടയ്ക്കുള്ളിലേക്ക് കടന്നു. കടയ്ക്കുള്ളിലേക്ക് യുവാവ് കടന്നതോടെ തന്റെ മാല പൊട്ടിക്കാനുള്ള ശ്രമമാണെന്ന് കരുതി സ്ത്രീ പിന്നോട്ടു മാറാൻ ഒരുങ്ങി. എന്നാൽ നൊടിയിടയിൽ ഇവരെ കയറിപ്പിടിച്ച യുവാവ് സ്ത്രീയെ കടയുടെ ഭിത്തിയോട് ചേർത്തുനിർത്തി. ഭയന്നുപോയ യുവതി വല്ലാതെ ബഹളം വയ്ക്കുകയും കുതറി മാറുകയും ചെയ്തതോടെ പ്രതി ഒന്നും സംഭവിക്കാത്തപോലെ കടയിൽ നിന്നും ഇറങ്ങി പോവുകയായിരുന്നു പിന്നാലെ എത്തിയ സ്ത്രീ ബഹളം വയ്ക്കുകയും സമീപത്ത് ഉണ്ടായിരുന്നവരോട് വിവരം പറയുകയും ചെയ്തു. തുടർന്ന് നാട്ടുകാരുടെ നേതൃത്വത്തിൽ യുവാവിനെ പിന്തുടർന്ന് പിടികൂടി പോലീസിൽ ഏൽപ്പിക്കുകയായിരുന്നു.
