കൊച്ചി: പാലാരിവട്ടത്ത് ജല അതോറിറ്റിയുടെ പൈപ്പ് പൊട്ടി റോഡ് തകര്ന്നു. വെള്ളം കുത്തിയൊഴുകുന്ന ദൃശ്യങ്ങള് സോഷ്യൽ മീഡിയയിൽ വൈറലാണ്. പാലാരിവട്ടം പള്ളി സെമിത്തേരിക്ക് മുമ്പിലാണ് പൈപ്പ് പൊട്ടിയത്. ഇന്ന് ഉച്ചയോടെയായിരുന്നു സംഭവം.
ഈ ഭാഗത്ത് റോഡ് തകരുകയും വന്തോതില് മണ്ണ് കുത്തിയൊലിച്ച് പോവുകയും ചെയ്തിട്ടുണ്ടെന്നാണ് റിപ്പോർട്ട്. വഴിയില് വലിയ രീതിയിലുള്ള വെള്ളക്കെട്ടും ഉണ്ട്. നിലവില് പമ്പിങ് നിര്ത്തിവെച്ചിരിക്കുകയാണ്.
ഇത് പരിഹരിക്കുന്നത് വരെ സ്ഥലത്ത് കുടിവെള്ള വിതരണം തടസപ്പെടും. നേരത്തെ തമ്മനത്തും ഇത്തരത്തില് പൈപ്പ് പൊട്ടിയിരുന്നു.
