ന്യൂഡൽഹിയിൽ നിന്ന് 840 കിലോമീറ്റർ തെക്ക് മധ്യപ്രദേശിലെ ജബൽപൂരിൽ സ്ഥിതി ചെയ്യുന്ന കല്യാൺപൂർ ഗ്രാമത്തിൽ 15 അടി നീളമുള്ള പെരുമ്പാമ്പിൻ്റെ ആക്രമണത്തിൽ നിന്ന് ഒരാൾ രക്ഷപ്പെടുന്ന വീഡിയോ സമൂഹ മാധ്യമങ്ങളിൽ വൈറലാകുന്നു. പ്രാദേശിക ഗ്രാമീണരുടെ പെട്ടെന്നുള്ള ചിന്തയും വേഗത്തിലുള്ള പ്രവർത്തനവും ആണ് യുവാവിനെ മരണത്തിൽ നിന്നും രക്ഷിച്ചത്. മനസ്സ് മരവിപ്പിക്കുന്ന ഈ സംഭവം പകർത്തുന്ന വീഡിയോ സോഷ്യൽ മീഡിയയിൽ വൈറലായിരിക്കുകയാണ്. (The python came from behind and tried to swallow the young man)
മലമൂത്ര വിസർജ്ജനത്തിനായി യുവാവ് കാട്ടിലേക്ക് പോയതോടെയാണ് സംഭവം ഉണ്ടായത്. ഒരു വലിയ പെരുമ്പാമ്പ് പിന്നിൽ നിന്ന് യുവാവിന്റെ അടുത്തേക്ക് വന്ന് കഴുത്തിൽ വാൽ ചുറ്റുകയായിരുന്നു. രക്ഷപ്പെടാനുള്ള തീവ്രശ്രമത്തിൽ സഹായത്തിനായി നിലവിളിക്കുന്നതിനിടയിൽ യുവാവിന് പെരുമ്പാമ്പിൻ്റെ വായിൽ പിടിക്കാൻ കഴിഞ്ഞതാന് രക്ഷയായത്.
യുവാവിന്റെ നിലവിളി കേട്ട് അതുവഴി പോയ ഗ്രാമവാസികൾ ഓടിയെത്തി. അവർ എത്തുമ്പോഴേക്കും പെരുമ്പാമ്പ് യുവാവിനെ ചുറ്റി വരിഞ്ഞിരുന്നു. പെട്ടെന്ന് പ്രതികരിച്ച ഗ്രാമവാസികൾ ഉടൻ തന്നെ പെരുമ്പാമ്പിനെ തുരത്താൻ ശ്രമിച്ചു. സ്ഥിതിഗതികൾ മാരകമാകുമെന്ന് ഭയന്ന് ഗ്രാമവാസികൾ മഴു, കല്ലുകൾ, മറ്റ് മൂർച്ചയുള്ള വസ്തുക്കൾ എന്നിവ ഉപയോഗിച്ച് പെരുമ്പാമ്പിനെ കൊല്ലുകയായിരുന്നു.
പാമ്പിനെ കൊന്നതിന് ഗ്രാമവാസികൾക്കെതിരെ നിയമനടപടികളൊന്നും സ്വീകരിച്ചിട്ടില്ല. മനുഷ്യൻ്റെ ജീവൻ രക്ഷിക്കാൻ മൃഗത്തെ കൊല്ലുന്നത് കുറ്റകരമല്ലെന്ന് വനംവകുപ്പ് അധികൃതർ വ്യക്തമാക്കി.
