Picsart_24-08-16_07-22-59-725 — {"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false}

വയനാട് ദുരിതാശ്വാസത്തിൻറെ പേരിൽ പിരിച്ച പണം വകമാറ്റി; അന്വേഷണം ആരംഭിച്ച് യൂത്ത് കോൺഗ്രസ്

കോഴിക്കോട്: വയനാട് ദുരിതാശ്വാസത്തിൻറെ പേരിൽ പിരിച്ച പണം യൂത്ത് കോൺഗ്രസ് നേതാക്കൾ വകമാറ്റിയെന്ന പരാതിയിൽ അന്വേഷണം ആരംഭിച്ച് യൂത്ത് കോൺഗ്രസ്.The money collected in the name of Wayanad relief was diverted

യൂത്ത് കോൺഗ്രസ് സംസ്ഥാന വൈസ് പ്രസിഡൻറ് അബിൻ വർക്കിയുടെ നേതൃത്വത്തിലുള്ള കമ്മീഷനാണ് അന്വേഷണ ചുമതല.

കോഴിക്കോട് ചേളന്നൂർ മണ്ഡലം വൈസ് പ്രസിഡൻറ് അശ്വിൻ, പ്രവർത്തകനായ അനസ് എന്നിവർക്കെതിരെയാണ് മണ്ഡലം പ്രസിഡൻറ് അജൽ ദിവാനന്ദ് പരാതി നൽകിയിട്ടുള്ളത്.

സംഭവത്തിൽ അബിൻ വർക്കിയുടെ നേതൃത്വത്തിൽ നേതാക്കളിൽ നിന്നും മൊഴിയെടുത്തു. യൂത്ത് കോൺഗ്രസിൻറെ ചേളന്നൂരിലെ നേതാക്കളെ ഡിസിസി ഓഫീസിൽ വിളിച്ചു വരുത്തിയാണ് അബിൻ വർക്കിയുടെ നേതൃത്വത്തിലുള്ള അന്വേഷണ സമിതി മൊഴിയെടുത്തത്.

ഗ്രൂപ്പ് വഴക്കാണ് പരാതിക്കു പിന്നിലെന്നാണ് ഒരു വിഭാഗം നേതാക്കൾ നൽകിയിരിക്കുന്ന വിശദീകരണം. സംഭവത്തിൽ പരാതി ലഭിച്ചിട്ടുണ്ടെന്നും കുറ്റക്കാർക്കെതിരെ ശക്തമായ നടപടി സ്വീകരിക്കുമെന്നും കോഴിക്കോട് ഡിസിസി നേതൃത്വം വ്യക്തമാക്കി.

സംസ്ഥാന പ്രസിഡൻറ് രാഹുൽ മാങ്കൂട്ടത്തിന് മണ്ഡലം പ്രസിഡൻറ് അജൽ ദിവാനന്ദ് അയച്ച പരാതി പുറത്തു വന്നതോടെ സംഭവം വിവാദമായി.

ഡിസിസി നേതൃത്വത്തിനും പരാതി ലഭിച്ചതോടെ സംഭവത്തെക്കുറിച്ച് അന്വേഷിക്കാൻ പ്രത്യേക സമിതിയെ നിയോഗിച്ചു.

യൂത്ത് കോൺഗ്രസ് ചേളന്നൂർ മണ്ഡലം വൈസ് പ്രസിഡ‍ൻറ് അശ്വിൻ പ്രവർത്തകനായ അനസ് എന്നിവർ വയനാട് ദുരിതാശ്വാസത്തിന‍്റെ പേരിൽ പിരിവെടുത്ത ശേഷം തുക വകമാറ്റിയെന്നായിരുന്നു പരാതി.