TOP NEWS
ജാവദേക്കറും ഇപി ജയരാജനുമായുള്ള കൂടിക്കാഴ്ച മുഖ്യമന്ത്രി അറിയാതെ നടക്കില്ലെന്ന് കെ സി വേണുഗോപാല്‍. കേന്ദ്ര ഏജന്‍സികളെ ഭയക്കുന്ന മുഖ്യമന്ത്രി ബിജെപിയുമായി രഹസ്യ ധാരണക്ക് ശ്രമിക്കുകയാണ്. അത് പുറത്തായപ്പോള്‍ ജയരാജന്‍ ബലിയാടായി. ഇതില്‍ നിന്ന് മുഖ്യമന്ത്രിക്കും പാര്‍ട്ടിക്കും ഒഴിഞ്ഞു മാറാന്‍ ആവില്ല. ഇരുകൂട്ടരും മറുപടി പറയണം. അദ്ദേഹം ആവശ്യപ്പെട്ടു. ജയരാജന്റെ കൂട്ട് കെട്ടിനെ തള്ളിപ്പറഞ്ഞ മുഖ്യമന്ത്രി എന്തുകൊണ്ടാണ് . ജാവദേക്കറേകുറിച്ച് ഒന്നും പറയാതിരുന്നതെന്നു അദ്ദേഹം ചോദിച്ചു.
കൃത്യമായ ഡീല്‍ ആണ് നടന്നത്. മുഖ്യമന്ത്രിയുടെ വാക്കുകള്‍ വിശ്വസനീയമല്ല. യുഡിഎഫിന് മേധാവിത്വമുള്ള ബൂത്തുകളിലാണ് ഇന്നലെ വോട്ടെടുപ്പ് തടസപ്പെടുകയോ വൈകുകയോ ചെയ്തത്. ഉദ്യോഗസ്ഥരെ ഉപയോഗിച്ച് തിരഞ്ഞെടുപ്പ് സംവിധാനങ്ങളെ ഹൈജാക്ക് ചെയ്തു. പോളിംഗ് ശതമാനം കുറക്കലായിരുന്നു ലക്ഷ്യം. പക്ഷേ അവരുടെ കണക്ക് കൂട്ടലുകള്‍ തെറ്റി. യുഡിഎഫ് അനുകൂല തരംഗം കേരളത്തില്‍ അലയടിച്ചു. സര്‍ക്കാര്‍ വിരുദ്ധ വികാരവും അലയടിച്ചു. പാര്‍ട്ടി ഇത് ഗൗരവമായി ഏറ്റെടുക്കുമെന്നും നിയമ നടപടിയിലേക്ക് നീങ്ങുമെന്നും വേണുഗോപാൽ പറഞ്ഞു. കമ്മ്യൂണിസ്റ്റ് പാര്‍ട്ടിയെ സ്‌നേഹിക്കുന്ന യഥാര്‍ത്ഥ ആളുകളുടെ വോട്ടുകള്‍ ഇത്തവണ യുഡിഎഫിന് ലഭിക്കുമെന്നും വേണുഗോപാല്‍ പറഞ്ഞു.
