അപ്പാച്ചെ ഹെലികോപ്റ്ററുകളെപറ്റി അറിയാം

അപ്പാച്ചെ ഹെലികോപ്റ്ററുകളെപറ്റി അറിയാം

അമേരിക്കയിൽ നിന്നുള്ള ആദ്യ ബാച്ച് അപ്പാച്ചെ ഹെലികോപ്റ്ററുകൾ ഹിൻഡൺ വ്യോമതാവളത്തിലെത്തി. യുഎസ് കമ്പനിയായ ബോയിംഗ് രൂപകൽപ്പന ചെയ്ത മൂന്ന് അപ്പാച്ചെ ആക്രമണ ഹെലികോപ്റ്ററുകളാണ് രാജ്യത്തെത്തിയത്. അസംബ്ലിംഗ്, ഇൻഡക്ഷൻ തുടങ്ങിയ മറ്റ് നടപടിക്രമങ്ങൾ പ്രോട്ടോക്കോൾ അനുസരിച്ച് പൂർത്തിയാക്കുമെന്ന് സൈന്യം അറിയിച്ചു.

ഏതു കാലാവസ്ഥയിലും സേവനമനുഷ്ഠിക്കാൻ കഴിയുന്ന ലോകത്തിലെ ഏറ്റവും ആധുനികമായ ആക്രമണ ഹെലികോപ്റ്ററുകളിലൊന്നായ എഎച്ച്-64 ഇ അപ്പാച്ചെ ഇന്ത്യ ഏറ്റുവാങ്ങിയിരിക്കുന്നു. യുഎസിൽ നിന്നുള്ള ആദ്യബാച്ചിൽപ്പെട്ട മൂന്ന് അപ്പാച്ചെ ഹെലികോപ്റ്ററുകൾ ഹിൻഡൺ വ്യോമതാവളത്തിൽ എത്തിയതായി സൈനികവൃത്തങ്ങൾ അറിയിച്ചു. ബോയിങ് കമ്പനിയാണ് ഈ ഹെലികോപ്റ്ററുകൾ രൂപകൽപ്പന ചെയ്‍തത്. അസംബ്ലിങ്ങും ഇൻഡക്ഷനും അടങ്ങിയ പ്രോട്ടോക്കോൾ നടപടികൾ പൂർത്തിയാക്കിയ ശേഷം ജോധ്പൂരിലാണ് ഇവ വിന്യസിക്കുന്നത്.

ലോകത്തെ അത്യധികം സമ്പന്നമായ സൈനിക സാങ്കേതിക വിദ്യയുള്ള അപ്പാച്ചെ ഹെലികോപ്റ്ററുകൾ നിലവിൽ യുഎസിനും, യുകെ, ഇസ്രായേൽ, ഈജിപ്ത് തുടങ്ങിയ രാജ്യങ്ങൾക്കും മാത്രം ലഭ്യമാണ്. ഇപ്പോൾ ഇന്ത്യയും അതിൽപ്പെടുകയാണ്.

അപ്പാച്ചെയുടെ സവിശേഷതകൾ:
ആധുനിക ആയുധസജ്ജീകരണം:

30എംഎം എം230 ചെയിൻ ഗൺ

70എംഎം ഹൈഡ്ര റോക്കറ്റുകൾ

6 കിലോമീറ്റർ ദൂരെനിന്ന് ടാങ്കുകളും കവചിത വാഹനങ്ങളും തകർക്കാവുന്ന എജിഎം-114 ഹെൽഫയർ മിസൈലുകൾ

എയർ ടു എയർ സ്റ്റിംഗർ മിസൈലുകൾ

സാങ്കേതിക ശ്രേഷ്ഠതകൾ:

റോട്ടറിന് മുകളിൽ സ്ഥാപിച്ചിരിക്കുന്ന AN/APG-78 ലോംഗ്‌ബോ റഡാർ

ഇൻഫ്രാറെഡ് സെൻസറുകൾ

ഹെൽമെറ്റ് മൗണ്ടഡ് ഡിസ്പ്ലേ

നൈറ്റ് വിഷൻ സംവിധാനം

മോഡേണൈസ്ഡ് ടാർഗറ്റ് അക്വിസിഷൻ ഡിസിഗ്നേഷൻ സിസ്റ്റം

ഡോണുകളിലെ തത്സമയ സെൻസർ ഫീഡുകൾ സ്വീകരിക്കാനും ഡാറ്റ പങ്കുവെക്കാനും കഴിയുന്ന സംവിധാനം

അപ്പാച്ചെ ‘ആകാശത്തിലെ ടാങ്ക്’ എന്നറിയപ്പെടുന്നു. ശത്രുവിന്റെ കോട്ടകളെ തകർത്തെറിയാനും, താഴ്ന്ന് പറന്ന് ആക്രമിച്ച് സുരക്ഷിതമായി മടങ്ങാനും ഈ ഹെലികോപ്റ്ററുകൾക്ക് കഴിയും. വെടിയുണ്ടകളെ അതിജീവിക്കാനുള്ള ശേഷിയും ഇവക്കുണ്ട്. അതിനാൽ തന്നെ ഏറ്റവും പ്രതീക്ഷയോടെയും അഭിമാനത്തോടെ ഇന്ത്യ അവയെ ഏറ്റുവാങ്ങുകയാണ്.

പാക് അതിർത്തിയിലേക്ക് അപ്പാച്ചെ

പഹൽഗാമിലും ഓപ്പറേഷൻ സിന്ദൂരിനുമുശേഷം ഇന്ത്യയുടെ പടിഞ്ഞാറൻ അതിർത്തി സംഘർഷഭരിതമായ പശ്ചാത്തലത്തിൽ അപ്പാച്ചെയുടെ വരവ് നിർണായകമായി കണക്കാക്കുന്നു. ജോധ്പൂരിലെ സൈനിക സ്ക്വാഡ്രൺ ഈ അത്യാധുനിക യുദ്ധയന്ത്രങ്ങൾക്കായി മാസങ്ങളായി കാത്തിരിക്കുകയാണ്.

2020ൽ യു.എസ് പ്രസിഡന്റ് ഡോണൾഡ് ട്രംപിന്റെ ഇന്ത്യാ സന്ദർശന വേളയിൽ ഒപ്പുവച്ച 600 മില്യൺ ഡോളറിന്റെ കരാറിന്റെ ഭാഗമായിട്ടാണ് ആറ് എഎച്ച്-64 ഇ അപ്പാച്ചെ ഹെലികോപ്റ്ററുകൾ ഇന്ത്യയ്ക്ക് നൽകുന്നത്. 4168 കോടി രൂപ വിലമതിക്കുന്ന ഈ കരാറിന്റെ ഭാഗമായി ആദ്യഘട്ടത്തിൽ മൂന്ന് ഹെലികോപ്റ്ററുകൾ കൈമാറി. വിതരണം വൈകിയതിന്റെ കാരണം സാങ്കേതികതയും അന്തർദേശീയ രാഷ്ട്രീയവും ആണെന്ന് സൈന്യം വ്യക്തമാക്കി.

ഇന്ത്യൻ കരസേനയുടെ യുദ്ധസാമർത്ഥ്യത്തെ കൂട്ടിയിടിക്കുന്നതിൽ ഈ ആധുനിക ഹെലികോപ്റ്ററുകളുടെ പങ്ക് നിർണായകമായിരിക്കുമെന്ന് പ്രതീക്ഷിക്കാം.4168 കോടിയുടെ കരാർ പ്രകാരം ആറ് അപ്പാച്ചെ ഹെലികോപ്റ്ററുകൾ കഴിഞ്ഞവർഷം കൈമാറേണ്ടതായിരുന്നു. വിതരണ ശൃംഖലയിലെ പ്രശ്നങ്ങളും രാജ്യാന്തര രാഷ്ട്രീയ സാഹചര്യങ്ങളും കാരണമാണ് അപ്പാച്ചെയുടെ വരവ് വൈകിയത്. ഓർഡർ നൽകിയ അറെണ്ണത്തിൽ മൂന്നെണ്ണമാണ് നിലവിൽ ഇന്ത്യയിൽ എത്തുന്നത്.

ENGLISH SUMMARY:

The first batch of Apache helicopters from the United States has arrived at the Hindon Airbase in India. Designed by the American company Boeing, three Apache attack helicopters have reached the country. The army has stated that procedures such as assembly and induction will be completed as per protocol.