മരണപ്പെട്ട പ്ലസ്ടു വിദ്യാര്ഥിനിയായ 17-കാരിയുടെ ഗര്ഭസ്ഥശിശുവിന്റ ഡി.എന്.എ ഫലം പുറത്തുവന്നു. കുട്ടിയുടെ പിതാവ് സഹപാഠി തന്നെയെന്നാണ് പരിശോധനാ ഫലം. പെണ്കുട്ടിയുടെ മരണത്തിന് ശേഷം സഹപാഠി ആലപ്പുഴ നൂറനാട് സ്വദേശിയായ എ.അഖിലിനെ പോക്സോ കേസില് പോലീസ് അറസ്റ്റ് ചെയ്തിരുന്നു. The father of the unborn child of the deceased 17-year-old Plus Two student is a classmate
പെണ്കുട്ടിയുടെ വീട്ടില് ആരുമില്ലാത്ത സമയത്ത് ഇയാൾ വീട്ടിലെത്തി പെണ്കുട്ടിയെ ലൈംഗികമായി പീഡിപ്പിച്ചിട്ടുണ്ടെന്ന് പോലീസിന്റെ ചോദ്യംചെയ്യലില് മൊഴിനല്കിയിരുന്നു. 18 വയസ്സും ആറുമാസവുമാണ് ഇയാളുടെ പ്രായമെന്ന് പോലീസ് പറഞ്ഞു.
പ്രതിക്ക് പ്രായപൂര്ത്തിയായി ആറുമാസം പിന്നിട്ടതാണെന്ന് സ്ഥിരീകരിച്ചതോടെ കുറ്റസമ്മത മൊഴിയുടെ അടിസ്ഥാനത്തില് പോലീസ് അറസ്റ്റ് രേഖപ്പെടുത്തി. വെള്ളിയാഴ്ച വൈകീട്ടോ ശനിയാഴ്ച രാവിലെയോ പ്രതിയെ കോടതിയില് ഹാജരാക്കും.
പനി ബാധിച്ച് ആലപ്പുഴ മെഡിക്കല് കോളേജില് പ്രവേശിപ്പിച്ചിരുന്ന പ്ലസ്ടു വിദ്യാര്ഥിനി ചികിത്സയിലിരിക്കെയാണ് നവംബറിൽ മരിച്ചത്. ആരോഗ്യനില മോശമായതിനാല് പെണ്കുട്ടി ഒരാഴ്ചയോളം പത്തനംതിട്ടയിലെ വിവിധ ആശുപത്രികളില് ചികിത്സയിലായിരുന്നു.
നവംബര് 22-ാം തീയതിയാണ് പെണ്കുട്ടിയെ വിദഗ്ധ ചികിത്സയ്ക്കായി ആലപ്പുഴ മെഡിക്കല് കോളേജ് ആശുപത്രിയിലേക്ക് മാറ്റിയത്. അതിനിടെ, അമിത അളവില് ചില മരുന്നുകള് പെണ്കുട്ടിയുടെ ശരീരത്തിലെത്തിയതായി സംശയമുണ്ടായിരുന്നു. മരണത്തില് അസ്വാഭാവികതയുള്ളതിനാല് മൃതദേഹം പോസ്റ്റ്മോര്ട്ടത്തിന് അയക്കുകയുംചെയ്തു.
പോസ്റ്റ്മോര്ട്ടം റിപ്പോര്ട്ടിൽ പെണ്കുട്ടി അഞ്ചുമാസം ഗര്ഭിണിയാണെന്ന് കണ്ടെത്തിയതോടെയാണ് സംഭവം പുറത്തറിഞ്ഞത്. ഇതോടെ, പോക്സോ വകുപ്പുകളടക്കം ചുമത്തി പോലീസ് വിശദമായ അന്വേഷണം ആരംഭിച്ച്. തുടർന്നാണ് സഹപാഠിയിലേക്ക് അന്വേഷണം എത്തിയത്.
