പാലക്കാട്: കാട്ടാനകളുടെ അപകട മുനമ്പായ കൊട്ടേക്കാട് മുതല് കഞ്ചിക്കോട് വരെ രാത്രികാലത്ത് തീവണ്ടി വേഗത കുറയ്ക്കാന് തീരുമാനം.. കാട്ടാനകൾ സ്ഥിരമായി ട്രെയിനിടിച്ച് ചരിയുന്ന സ്ഥലമാണിത്. വനം വകുപ്പിലേയും റെയില്വേയിലേയും ഉന്നത ഉദ്യോഗസ്ഥരുടെ അടിയന്തര യോഗത്തിലാണ് തീരുമാനം.
നിലവിൽ ഈ മേഖലയിലെ തീവണ്ടി വേഗതയായ മണിക്കൂറില് 45 കീ.മി എന്നത് 35 കീ.മി ആയി കുറക്കാനാണ് തീരുമാനം. കഞ്ചിക്കോട് മുതല് മധുക്കര വരെയുള്ള ഭാഗത്ത് നിലവിലുള്ള വേഗതയായ മണിക്കൂറില് 45 കീ.മി എന്നത് തുടരും.
ട്രാക്കിന് സമീപം സൗരോര്ജ്ജവേലി നിര്മ്മിക്കാനും ധാരണയായിട്ടുണ്ട്. ഈ പ്രദേശങ്ങളില് 4.60 കോടി രൂപ ചെലവില് 600 സൗരോര്ജ്ജ വിളക്കുകള് സ്ഥാപിക്കാന് റെയില്വേ നടപടി സ്വീകരിക്കും. വനം വകുപ്പും ബി എസ് എന് എല്ലും ചേര്ന്ന് എ ഐ ക്യാമറകളുപയോഗിച്ച് ആനകളുടെ സഞ്ചാര വിവരങ്ങള് മുന്കൂട്ടി മനസിലാക്കി ബന്ധപ്പെട്ട ഉദ്യോഗസ്ഥരെ അറിയിക്കുന്നതിനുള്ള നടപടികളും സ്വീകരിക്കുമെന്ന് റെയിൽവേ അധികൃതർ അറിയിച്ചു.
Read Also:ലോകത്ത് അതിസമ്പന്നര് അധിവസിക്കുന്ന നഗരങ്ങളുടെ പട്ടിക പുറത്ത്; ആദ്യ 25 ൽ ഇടം നേടി ഇന്ത്യൻ നഗരം
