തിരുവനന്തപുരം: പുത്തൻചന്തയിൽ ഓടയിൽ നിന്നും കണ്ടെത്തിയ മൃതദേഹം ആരുടെതെന്ന് തിരിച്ചറിഞ്ഞു. വർക്കല സ്വദേശി അനുലാൽ (45) ആണ് മരിച്ചത്. വർക്കലയിലെ സ്വകാര്യ ആശുപത്രിക്ക് മുൻഭാഗത്തുള്ള ഓടയിൽ ആണ് കമിഴ്ന്നു കിടക്കുന്ന നിലയിൽ മൃതദേഹം കണ്ടെത്തിയത്. ഇക്കഴിഞ്ഞ 13 ന് വീട്ടിൽ നിന്നും കാണാതായ അനുലാലാണ് മരിച്ചതെന്ന് പോലീസ് വ്യക്തമാക്കി. മൃതദേഹത്തിന് മൂന്ന് ദിവസത്തെ പഴക്കമുണ്ടെന്ന് പൊലീസ് പറഞ്ഞിരുന്നു. സംഭവത്തിൽ വർക്കല പൊലീസ് കേസെടുത്ത് അന്വേഷിച്ചുവരുന്നതിനിടെയാണ് യുവാവിനെ തിരിച്ചറിഞ്ഞത്.
വർക്കല പുത്തൻ ചന്തയിലെ കരിക്ക് വിൽപ്പനക്കാരാണ് മൃതദേഹം കണ്ടെത്തിയത്. 50 വയസ്സ് പ്രായം തോന്നിക്കുന്ന പുരുഷൻറെ മൃതദേഹമാണ് കണ്ടെത്തിയതെന്ന വിവരം മാത്രമായിരുന്നു ആദ്യം ലഭിച്ചിരുന്നത്.
