തൃശ്ശൂര്‍: ബിജെപി തൃശൂർ ജില്ലാ പ്രസിഡന്റിനെതിരായ കേസിൽ പൊലീസിന് തിരിച്ചടി. തൃശ്ശൂർ ജില്ലാ പ്രസിഡന്റ് അഡ്വ കെ.കെ അനീഷ് കുമാറിനെ സ്ഥിരം കുറ്റവാളിയാക്കിയ കേസ് കോടതി റദ്ദാക്കി. തൃശ്ശൂർ ആര്‍ഡിഒ കോടതിയാണ് റദ്ദാക്കിയത്.(The court quashed the habitual offender case against the BJP Thrissur district president)

അനീഷ്കുമാറിനെതിരെ സിആര്‍പിസി 107 വകുപ്പ് ചുമത്തി പോലീസ് കേസെടുത്തിരുന്നു. തൃശൂർ ഈസ്റ്റ് പൊലീസാണ് സബ് ഡിവിഷണൽ മജിസ്ട്രേറ്റ് കോടതിക്ക് സ്ഥിരം കുറ്റവാളിയാക്കി റിപ്പോർട്ട് നൽകിയത്. സമൂഹത്തിൽ സമാധാന ജീവിതത്തിന് ഭീഷണിയായ സ്ഥിരം ക്രിമിനലുകൾക്കെതിരെ ചുമത്തുന്ന വകുപ്പ് ബിജെപി തൃശ്ശൂർ ജില്ലാ പ്രസിഡന്റിനെതിരെ ചുമത്തിയതിനെതിരെ വലിയ വിമ‍ര്‍ശനവും പ്രതിഷേധവും ഉയ‍ര്‍ന്നിരുന്നു.

കേസെടുത്തതിന് പിന്നാലെ ബിജെപി വലിയ പ്രതിഷേധവുമായി ബിജെപി രംഗത്തെത്തി. കോടതി നടപടിയിൽ സന്തോഷമുണ്ടെന്നും നീതി നേടിയെടുക്കാൻ പോരാടിയ എല്ലാവരോടും നന്ദിയുണ്ടെന്നും അഡ്വ കെ.കെ അനീഷ്കുമാർ പ്രതികരിച്ചു.