ഐഐടി മദ്രാസിലെ ഒരു കമ്പനി വികസിപ്പിച്ചെടുത്ത ഇന്ത്യയിലെ ആദ്യത്തെ പറക്കും ടാക്സിയുടെ വിശദാംശങ്ങള് സമൂഹമാധ്യമമായ എക്സിലൂടെ പങ്കുവെച്ച്മഹിന്ദ്ര ആന്ഡ് മഹീന്ദ്രയുടെ ചെയർപേഴ്സണായ ആനന്ദ് മഹിന്ദ്ര.
വരാനിരിക്കുന്ന ഇലക്ട്രിക് ഇ പ്ലെയിനിന്റെ ചിത്രങ്ങളും വിശദാംശങ്ങളും വിശദമായി തന്നെ മഹിന്ദ്ര പങ്കുവെച്ചിട്ടുണ്ട്. ഒറ്റച്ചാർജിൽ 200 കിലോമീറ്റർ വരെയായിരിക്കും ദൂരപരിധി. ലംബമായി ടേക്ക് ഓഫ് ചെയ്യാനും ലാന്ഡ് ചെയ്യാനും സാധിക്കും എന്നതാണ് വലിയ പ്രത്യേകത.
200 കിലോഗ്രാം വരെയായിരിക്കും ഈ ടാക്സിയുടെ പേലോഡ് ശേഷി. രണ്ട് യാത്രക്കാരെ വരെ ഉള്ക്കൊള്ളാനും കഴിയും. 500 മീറ്റർ മുതല് രണ്ട് കിലോമീറ്റർ ദൂരത്തില് വരെ പറ പറക്കാനാകും. 10 മിനുറ്റുകൊണ്ട് 10 കിലോമീറ്റർ വരെ എത്താനും സാധിക്കും. മണിക്കൂറില് 200 കിലോമീറ്ററായിരിക്കും പരമാവധി വേഗത. ഇ പ്ലെയിന് നിർമാണഘട്ടത്തിലായതുകൊണ്ട് കൂടുതല് വിവരങ്ങള് പുറത്തുവിട്ടിട്ടില്ല. നിരത്തിലൂടെ ഓടുന്ന ടാക്സികളുടെ ഇരട്ടിത്തുകയായിരിക്കും നിരക്ക്.
