തത്കാൽ ടിക്കറ്റ് തട്ടിപ്പ് ; 3.03 കോടി യൂസർ ഐഡികൾ നീക്കി റെയിൽവേ
കൊച്ചി: തത്കാൽ ട്രെയിൻ ടിക്കറ്റ് ബുക്കിംഗ് സംവിധാനം ആധാർ ഒ.ടി.പി അടിസ്ഥാനത്തിലാക്കിയതിനെ തുടർന്ന് വൻ തട്ടിപ്പുകൾ തടയാൻ Indian Railways നടപടി ശക്തമാക്കി. ഇതിന്റെ ഭാഗമായി 3.03 കോടി വ്യാജ യൂസർ ഐഡികളും 12,819 ഇ-മെയിൽ ഡൊമൈനുകളും ബ്ലോക്ക് ചെയ്തതായി അധികൃതർ അറിയിച്ചു. 2025 ജൂലൈ മുതൽ ഡിസംബർ വരെയുള്ള കാലയളവിലെ കണക്കുകളാണിത്.
അനധികൃത ഏജന്റുമാരും ഹാക്കർമാരും തത്കാൽ ബുക്കിംഗ് സമയത്ത് വലിയ തോതിൽ ടിക്കറ്റുകൾ പിടിച്ചെടുക്കുന്നുവെന്ന പരാതികൾ ഉയർന്നതിനെ തുടർന്ന് IRCTC പോർട്ടലിന്റെ സുരക്ഷ ശക്തമാക്കി. യാത്രയ്ക്ക് മുൻദിവസം രാവിലെ തുറക്കുന്ന തത്കാൽ ബുക്കിംഗ് ലിങ്കുകളിൽ ചില നിമിഷങ്ങൾക്കുള്ളിൽ ടിക്കറ്റുകൾ വിറ്റുതീരുന്ന അവസ്ഥയായിരുന്നു.
പോർട്ടലിലെ സാങ്കേതിക പിഴവുകൾ മുതലെടുത്ത് ഓട്ടോഫിൽ സംവിധാനങ്ങളും അനധികൃത സോഫ്റ്റ്വെയറുകളും ‘ബോട്ട്’ സംവിധാനങ്ങളും ഉപയോഗിച്ച് കൂട്ടബുക്കിംഗ് നടത്തുകയും പിന്നീട് ടിക്കറ്റുകൾ ഉയർന്ന വിലയ്ക്ക് മറിച്ചുവിൽക്കുകയും ചെയ്തതായി കണ്ടെത്തി.
2025 ജൂലൈ ഒന്നുമുതൽ തത്കാൽ ബുക്കിംഗിന് ആധാർ രജിസ്ട്രേഷൻ നിർബന്ധമാക്കി. ഡിസംബർ വരെ പോർട്ടലിൽ 9,753 കോടി സന്ദർശനങ്ങളുണ്ടായപ്പോൾ അതിൽ 6,265 കോടി എൻട്രികൾ സംശയകരമാണെന്ന് കണ്ടെത്തി ആക്സസ് നിഷേധിച്ചു. ഇത് സുരക്ഷാ സംവിധാനം ഫലപ്രദമാണെന്ന് തെളിയിക്കുന്നതാണെന്ന് റെയിൽവേ മന്ത്രാലയം പാർലമെന്റിൽ അറിയിച്ചു.
യഥാർത്ഥ അപേക്ഷകനാണെന്ന് ഉറപ്പാക്കാൻ ആധാർ ഒ.ടി.പി, ക്യാപ്ച (CAPTCHA) എന്നിവ നൽകണം. വ്യാജ യൂസർമാരെ തിരിച്ചറിയാൻ AKAMAI ആന്റി-ബോട്ട് സംവിധാനം, നെറ്റ്വർക്ക് ഫയർവാൾ സുരക്ഷ, ‘ഹണിബോട്ട്’ സെൻസർ തുടങ്ങിയ സംവിധാനങ്ങളും ഉപയോഗിക്കുന്നുണ്ട്. വെബ് ട്രാഫിക് നിയന്ത്രിക്കാൻ കണ്ടന്റ് ഡെലിവറി നെറ്റ്വർക്കും സജ്ജമാക്കിയിട്ടുണ്ട്. സുരക്ഷാ ഓഡിറ്റിംഗും പതിവായി നടത്തിവരുന്നു.
English Summary
Indian Railways has removed 3.03 crore fake user IDs and blocked 12,819 email domains after making Tatkal train ticket booking Aadhaar OTP-based.
tatkal-ticket-fraud-irctc-blocks-3-crore-ids
Tatkal ticket booking, IRCTC security, Indian Railways fraud crackdown, Aadhaar OTP Tatkal booking, fake user IDs railway, train ticket booking bots, railway cyber security
