ഇടുക്കി: ഇടുക്കിയിലേക്ക് പെട്രോളുമായി വന്ന ടാങ്കർ ലോറിയിലാണ് തീ പിടുത്തം ഉണ്ടായത്. പെരുവന്താനത്തിന് സമീപത്ത് വെച്ചായിരുന്നു അപകടം നടന്നത്. വാഹനത്തിന്റെ മുൻവശത്ത് നിന്ന് തീയും പുകയും ഉയരുന്നത് കണ്ട ഡ്രൈവർ ഉടൻ തന്നെ വാഹനത്തിലുണ്ടായിരുന്ന അഗ്നിശമന ഉപകരണം ഉപയോഗിച്ച് തീയണയ്ക്കാൻ ശ്രമിച്ചു.
എന്നിട്ടും തീ പൂർണമായും അണയാതെ വന്നതിനെ തുടർന്ന് നാട്ടുകാർ കുടിവെള്ള വിതരണ വാഹനത്തിൽ വെള്ളവുമായെത്തി തീയണച്ചു. ഉടൻ തന്നെ പീരുമേട് കാഞ്ഞിരപ്പള്ളി അഗ്നിശമനസേന യൂണിറ്റുകളും സ്ഥലത്തെത്തി. നാട്ടുകാരുടെ ഇടപെടൽ ഒഴിവായത് വൻ അപകടമാണ്. തീപിടുത്തം ഉണ്ടായതിനെ തുടർന്ന് കൊട്ടാരക്കര- ദിണ്ടുക്കൽ ദേശീയ പാതയിൽ ഒരു മണിക്കൂറോളം ഗതാഗതം തടസപ്പെട്ടു.
