തളിപ്പറമ്പ് ബസ് സ്റ്റാൻഡിൽ വൻതീപിടിത്തം
കണ്ണൂർ : തളിപ്പറമ്പിവെ വ്യാപാര സമുച്ചതയത്തിൽ ഉണ്ടായ തീപിടിത്തത്തിൽ പത്തോളം കടകൾ പൂർണമായി കത്തിനശിച്ചു.
തളിപ്പറമ്പ് ബസ് സ്റ്രാൻഡിന് സമീപത്തെ കെ.വി കോംപ്ലക്സിലെ കളിപ്പാട്ട വിലിപ്ന ശാലയിൽ വൈകിട്ട് അഞ്ചുമണിയോടെയാണ് തീപിടിത്തമുണ്ടായത്.
ഇത് സമീപത്തെ മറ്റു കടകളിലേക്കും പടരുകയായിരുന്നു. ആളപായമുണ്ടായതായി വിവരമില്ല. രണ്ടു കോംപ്ലക്സുകളിലെ അൻപതോളം സ്ഥാപനങ്ങളിൽ തീ പടർന്നതായാണ് വിവരം.
വ്യാഴാഴ്ച വൈകിട്ട് അഞ്ചുമണിയോടെയായിരുന്നു സംഭവം. തീ പടർന്നത് കോംപ്ലക്സിലെ കളിപ്പാട്ടവിൽപ്പനശാലയിലാണ്.
അതിവേഗം തീ സമീപത്തെ മറ്റു കടകളിലേക്കും വ്യാപിച്ചു. പത്ത് കടകൾ പൂർണമായും കത്തിനശിച്ചെന്നാണ് പ്രാഥമിക വിലയിരുത്തൽ.
തീപിടിത്തം ശ്രദ്ധയിൽപ്പെട്ടതോടെ വ്യാപാരികളും നാട്ടുകാരും ചേർന്ന് തീ അണയ്ക്കാൻ ശ്രമിച്ചുവെങ്കിലും തീയുടെ തീവ്രത കാരണം നിയന്ത്രണം നഷ്ടമായി.
പിന്നീട് തളിപ്പറമ്പ്, കണ്ണൂർ, പയ്യന്നൂർ, തലശ്ശേരി എന്നിവിടങ്ങളിൽ നിന്നുള്ള എട്ടോളം ഫയർഫോഴ്സ് യൂണിറ്റുകൾ സ്ഥലത്തെത്തി രക്ഷാപ്രവർത്തനം ആരംഭിച്ചു.
തീയുടെ വ്യാപനം കാരണം സമീപ കോംപ്ലക്സുകളിലെ കടകളും അപകടഭീഷണിയിലായി.
തീപിടിത്തം ആദ്യം പടർന്നത് കളിപ്പാട്ട കടയിലാണെങ്കിലും അതിനടുത്തുള്ള തുണിക്കട, മൊബൈൽ ഫോൺ കട, ചെരുപ്പ് കട, ഗിഫ്റ്റ് ഷോപ്പ് തുടങ്ങിയ സ്ഥാപനങ്ങളിലേക്കും തീ പടർന്നു.
പല കടകളിലുമുണ്ടായിരുന്ന ഗ്യാസ് സിലിണ്ടറുകൾ പൊട്ടിത്തെറിച്ചതോടെ സ്ഥിതി അതീവ ഗുരുതരമായി.
പൊട്ടിത്തെറിയുടെ ആഘാതം മൂലം കോംപ്ലക്സിന്റെ ചില ഭാഗങ്ങൾ തകർന്നതായും സമീപ കെട്ടിടങ്ങളിലെ ജനാലക്കച്ചുകൾ പൊട്ടിയതായും ദൃക്സാക്ഷികൾ പറയുന്നു.
തീപിടിത്തമുണ്ടായ സമയത്ത് കോംപ്ലക്സിൽ വ്യാപാരികളും ഉപഭോക്താക്കളും ഉണ്ടായിരുന്നെങ്കിലും എല്ലാവർക്കും സുരക്ഷിതമായി പുറത്തേക്ക് മാറാനായതാണ് വലിയ ആശ്വാസം.
അതിനാൽ മനുഷ്യനാശമോ ഗുരുതര പരിക്കുകളോ ഉണ്ടായിട്ടില്ലെന്നാണ് പ്രാഥമിക വിവരം.
തീ പടർന്നതിന്റെ കാരണമെന്താണെന്ന് ഇതുവരെ വ്യക്തമായിട്ടില്ല. ഷോർട്ട് സർക്യൂട്ടാണ് തീപിടിത്തത്തിന് പിന്നിലെന്ന് പ്രാഥമികമായി സംശയിക്കപ്പെടുന്നു. ജില്ലാ ഫയർ ഓഫീസർ പറഞ്ഞു:
“തീ പടർന്നത് ഏറെ വേഗത്തിലാണ്. സമീപ കെട്ടിടങ്ങളിലേക്ക് തീ പടരുന്നത് തടയാൻ സമയോചിതമായ ഇടപെടൽ നടത്താനായി. ഇപ്പോൾ തീ നിയന്ത്രണ വിധേയമായിട്ടുണ്ട്.
ആദ്യം തീപിടിച്ച കടകളാണ് പൂർണമായും കത്തിയതെന്നും മറ്റു കടകളിലെ തീ അണയ്ക്കാനുള്ള ശ്രമം തുടരുകയാണെന്നും” അദ്ദേഹം വ്യക്തമാക്കി.
തീപിടിത്തം മൂലം വ്യാപാരികൾക്ക് കോടികളിൽ നഷ്ടമുണ്ടായെന്നാണ് പ്രാഥമിക കണക്കുകൂട്ടൽ.
കളിപ്പാട്ട കടയുടേയും തുണിക്കടയുടേയും മുഴുവൻ സ്റ്റോക്കും കത്തിനശിച്ചുവെന്നാണ് വ്യാപാരികൾ പറയുന്നത്. വ്യാപാര സമുച്ചയത്തിന് ഇൻഷുറൻസ് പരിരക്ഷയുണ്ടോയെന്നതും വ്യക്തമായിട്ടില്ല.
പോലീസും ഫയർഫോഴ്‌സും ചേർന്ന് സ്ഥലത്ത് അന്വേഷണം ആരംഭിച്ചു. തീപിടിത്തത്തിന്റെ കാരണം സ്ഥിരീകരിക്കുന്നതിനായി ഫൊറൻസിക് സംഘത്തെ വിളിച്ചുവരുത്തുമെന്നും അധികൃതർ അറിയിച്ചു.
തളിപ്പറമ്പ് നഗരത്തിലെ ഏറ്റവും തിരക്കേറിയ മേഖലയായ ബസ് സ്റ്റാൻഡ് പരിസരത്താണ് സംഭവം നടന്നത്.
വൈകുന്നേരം സമയമായതിനാൽ പ്രദേശത്ത് ഗതാഗതം പൂർണമായും നിലച്ചതായും പൊലീസ് പറഞ്ഞു. ട്രാഫിക് പൊലീസ് ഗതാഗതം മാറ്റിനിർത്തി രക്ഷാപ്രവർത്തനത്തിന് വഴിയൊരുക്കി.
സംഭവത്തിൽ വ്യാപാരികൾക്ക് വലിയ സാമ്പത്തിക ആഘാതമുണ്ടായതായും സർക്കാർ സഹായം ലഭ്യമാക്കണമെന്ന് വ്യാപാരി സംഘടന ആവശ്യപ്പെട്ടു.
ജില്ലാ ഭരണകൂടം സംഭവസ്ഥലം സന്ദർശിച്ച് നഷ്ടം വിലയിരുത്തിയതായും ലഭ്യമായ റിപ്പോർട്ടുകൾ പറയുന്നു.
English Summary:
Major fire at Taliparamba bus stand destroys ten shops; no casualties reported. Fire originated in a toy shop at KV Complex and spread rapidly to nearby textile and mobile shops. Eight fire units controlled blaze after hours-long operation.
taliparamba-bus-stand-fire-shops-destroyed
Kannur, Taliparamba, Fire Accident, Kerala News, Business Complex, Fire Force, Local News
