മധുരപാനീയങ്ങളുടെ ശീലം വൃക്കയെ തളർത്തി; യുവതിയിൽ നിന്ന് 300 കല്ലുകൾ നീക്കം ചെയ്തു
തായ്വാൻ: വെള്ളം കുടിക്കുന്നതിനു പകരം മധുരപാനീയങ്ങൾ മാത്രം കഴിക്കുന്ന ശീലം 20കാരിക്ക് വേദനയുടെ പാഠമായി.
വർഷങ്ങളോളം ബബിൾ ടീ, പഴച്ചാർ, പാക്കറ്റ് ജ്യൂസ് തുടങ്ങിയ പാനീയങ്ങൾ മാത്രം ഉപയോഗിച്ചിരുന്ന സിയാവോ യു എന്ന യുവതിക്ക് അടിവയറ്റിൽ കടുത്ത വേദന അനുഭവപ്പെട്ടതോടെ ആശുപത്രിയിൽ എത്തിച്ചപ്പോൾ ഡോക്ടർമാർ ഞെട്ടിക്കുന്ന സത്യം പുറത്തുകൊണ്ടുവന്നു — യുവതിയുടെ വൃക്കയിൽ നിന്നാണ് മുന്നൂറിലധികം കല്ലുകൾ കണ്ടെത്തിയത്.
കഴിഞ്ഞ ആഴ്ച കടുത്ത വയറുവേദനയും പനിയുമുയർന്നതിനെ തുടർന്ന് സിയാവോ യുവിനെ തായ്വാനിലെ ചി മെയ് ആശുപത്രിയിൽ പ്രവേശിപ്പിച്ചു.
അൾട്രാസൗണ്ട് പരിശോധനയിൽ വലത് വൃക്ക വീർപ്പും നൂറുകണക്കിന് കല്ലുകളും കണ്ടെത്തി. കല്ലുകളുടെ വലിപ്പം 5 മില്ലിമീറ്ററിൽ നിന്ന് 2 സെന്റീമീറ്റർ വരെ ആയിരുന്നു.
ഡോക്ടർമാർ വിശദീകരിക്കുന്നത് പ്രകാരം, വെള്ളം കുടിക്കാത്തതിനെ തുടർന്ന് ശരീരത്തിൽ നിർജലീകരണം ഉണ്ടാകുകയും, വൃക്കയിൽ ധാതുക്കൾ അടിഞ്ഞുകൂടി കട്ടപിടിച്ച് കല്ലുകളായി മാറുകയും ചെയ്തതാണെന്നാണ് കണ്ടെത്തിയത്.
മധുരപാനീയങ്ങളിൽ അടങ്ങിയിരിക്കുന്ന പഞ്ചസാരയും രാസപദാർഥങ്ങളും വൃക്കയുടെ പ്രവർത്തനം ദുർബലമാക്കുകയും കല്ലുകളുടെ രൂപീകരണത്തിന് കാരണമാവുകയും ചെയ്യുന്നു.
കിണറ്റിൽ വീണ കുടമെടുക്കാൻ ഇറങ്ങി; വെള്ളത്തിലേക്ക് വീണ വയോധികന് ദാരുണാന്ത്യം
രണ്ട് മണിക്കൂർ നീണ്ട ശസ്ത്രക്രിയയിലൂടെയാണ് ഏകദേശം 300 കല്ലുകൾ വിജയകരമായി നീക്കം ചെയ്തത്.
ശസ്ത്രക്രിയയ്ക്ക് ശേഷം യുവതിയുടെ ആരോഗ്യനില തൃപ്തികരമാണെന്നും ഡോക്ടർമാർ അറിയിച്ചു.
വൃക്കയിൽ കല്ലുകൾ ഉണ്ടാകാനുള്ള പ്രധാന കാരണം ആവശ്യത്തിന് വെള്ളം കുടിക്കാത്തതും കാൽസ്യവും പ്രോട്ടീനും കൂടുതലുള്ള ഭക്ഷണക്രമവും ആണെന്ന് വിദഗ്ധർ മുന്നറിയിപ്പ് നൽകി.
ശരീരത്തിന്റെ പ്രവർത്തനം സുഗമമാക്കാനും വിഷാംശങ്ങൾ പുറത്താക്കാനും ദിനംപ്രതി ആവശ്യമായ അളവിൽ വെള്ളം കുടിക്കുക അനിവാര്യമാണെന്ന് ഡോക്ടർമാർ ഓർമ്മിപ്പിച്ചു.
മധുരപാനീയങ്ങളെ വെള്ളത്തിന് പകരം ഉപയോഗിക്കുന്നവർക്ക് വൃക്കസംബന്ധമായ രോഗങ്ങൾക്കും പ്രമേഹത്തിനും അപകടസാധ്യത കൂടുതലാണ്.
ദിനംപ്രതി കുറഞ്ഞത് 2 മുതൽ 3 ലിറ്റർ വരെ വെള്ളം കുടിക്കുക എന്നത് ആരോഗ്യം നിലനിർത്താനുള്ള ഏറ്റവും ലളിതമായ മാർഗമാണെന്നും വിദഗ്ധർ വ്യക്തമാക്കി.
ശരീരത്തിന്റെ പ്രവർത്തനങ്ങൾ നന്നായി നിലനിർത്താനും വിഷാംശങ്ങൾ പുറന്തള്ളാനുമുള്ള ഏറ്റവും ഫലപ്രദമായ മാർഗം മതിയായ അളവിൽ വെള്ളം കുടിക്കലാണെന്ന് വിദഗ്ധർ ഓർമ്മിപ്പിക്കുന്നു.
ദാഹമകറ്റാൻ മധുരപാനീയങ്ങൾക്കു പകരം ശുദ്ധജലം തിരഞ്ഞെടുക്കുക എന്നത് ആരോഗ്യകരമായ ജീവിതത്തിനുള്ള ഏറ്റവും ലളിതമായ വഴിയാണെന്നും അവർ മുന്നറിയിപ്പ് നൽകി.
