രജനീകാന്ത് ചിത്രം ‘കൂലി’ ഒടിടിയിലേക്ക്
രജനീകാന്തിനെ നായകനാക്കി ലോകേഷ് കനകരാജ് സംവിധാനം ചെയ്ത ചിത്രം ‘കൂലി’ ഒടിടി റിലീസിന് ഒരുങ്ങുന്നു. സെപ്റ്റംബർ 11 മുതൽ ആമസോൺ പ്രൈം വീഡിയോയിൽ ആണ് സിനിമയുടെ സ്ട്രീമിങ് ആരംഭിക്കുക.
തിയേറ്ററുകളിൽ വലിയ വിജയം നേടിയ ശേഷമാണ് ചിത്രം ഒടിടിയിൽ എത്തുന്നത്. റിലീസ് ചെയ്ത് 21 ദിവസത്തിനുള്ളിൽ ഇന്ത്യയിൽ നിന്ന് മാത്രം 282 കോടി കളക്ഷൻ നേടിയ ‘കൂലി’ ലോകേഷ് കനകരാജിന്റെ തുടർച്ചയായ മൂന്നാമത്തെ 400 കോടി ക്ലബ്ബ് ചിത്രമായി മാറി.
‘വിക്രം’, ‘ലിയോ’ എന്നീ സിനിമകൾക്ക് ശേഷം ലോകേഷ് കനകരാജിന്റെ കരിയറിലെ മറ്റൊരു വലിയ വിജയമാണ് ‘കൂലി’. രജനീകാന്തിനൊപ്പം ബോളിവുഡ് താരം ആമിർ ഖാൻ, നാഗാർജ്ജുന, മലയാള നടൻ സൗബിൻ ഷാഹിർ, ഉപേന്ദ്ര, ശ്രുതി ഹാസൻ തുടങ്ങിയ വലിയൊരു താരനിരയാണ് ചിത്രത്തിൽ അഭിനയിച്ചിട്ടുണ്ട്.
അനിരുദ്ധ് രവിചന്ദർ സംഗീതം നിർവഹിച്ചപ്പോൾ, ക്യാമറ കൈകാര്യം ചെയ്തത് ഗിരീഷ് ഗംഗാധരൻ ആയിരുന്നു. അതിനിടെ ലോകേഷ് സിനിമാറ്റിക് യൂണിവേഴ്സിന്റെ (LCU) ഭാഗമല്ലാത്തതിനാൽ ‘കൂലി’ക്ക് ചില വിമർശനങ്ങളും നേരിടേണ്ടി വന്നു. എന്നാൽ ഇത് ഒരു സ്റ്റാൻഡ്-എലോൺ ചിത്രമാണെന്ന് സംവിധായകൻ ലോകേഷ് കനകരാജ് തന്നെ പറഞ്ഞിരുന്നു.
Summary: Superstar Rajinikanth’s film Coolie, directed by Lokesh Kanagaraj, is set for OTT release. Streaming begins on Amazon Prime Video from September 11.
