കോഴിക്കോട് പേരാമ്പ്രയിൽ തെരുവുനായ ആക്രമണം; തമിഴ്നാട് സ്വദേശിയുൾപ്പെടെ അഞ്ച് പേർക്ക് പരിക്ക്
കോഴിക്കോട്: കോഴിക്കോട് പേരാമ്പ്രയിലുണ്ടായ തെരുവ് നായയുടെ ആക്രമണത്തിൽ അഞ്ച് പേർക്ക് പരിക്ക്. പേരാമ്പ്ര ആവളയിലായിരുന്നു സംഭവം.
കണ്സ്യൂമര് ഫെഡില് അരിയിറക്കാന് ലോഡുമായെത്തിയ ലോറി ഡ്രൈവറായ തമിഴ്നാട് സ്വദേശിയുൾപ്പെടെ അഞ്ച് പേർക്കാണ് നായയുടെ ആക്രമണത്തിൽ പരിക്കേറ്റത്.
തമിഴ്നാട് സ്വദേശി ശിവ, ആവള വടക്കേകാവന്നൂര് സ്വദേശികളായ ശങ്കരന്, നദീറ, മുഹമ്മദ്സാലിഹ്, അയന എന്നിവരെയാണ് നായ ആക്രമിച്ചത്. എല്ലാവരെയും പേരാമ്പ്ര താലൂക്ക് ആശുപത്രിയില് പ്രവേശിപ്പിച്ച് ചികിത്സ നൽകി.
കഴിഞ്ഞ ദിവസം കോട്ടയത്ത് കോളേജ് വിദ്യാർഥിനിക്ക് തെരുവ് നായയുടെ കടിയേറ്റു. കോളജിലേക്ക് വരുന്നതിനിടെയാണ് മെഡിക്കൽ വിദ്യാർഥിനിയെ തെരുവ് നായ കടിച്ചത്. കഴിഞ്ഞ ദിവസം കോട്ടയം മെഡിക്കൽ കോളേജ് ആശുപത്രി പരിസരത്താണ് സംഭവം.
അമ്മയെയും 2 മക്കളെയും കാണാതായിട്ട് 11 ദിവസം
അഞ്ചാം വർഷ മെഡിക്കൽ വിദ്യാർഥിനിക്കാണ് നായയുടെ കടിയേറ്റത്. ലേഡീസ് ഹോസ്റ്റലിൽ നിന്നും കോളേജിലേക്ക് വരവേയാണ് കൂട്ടംകൂടി നിന്ന തെരുവ് നായകളിൽ ഒരെണ്ണം വിദ്യാർഥിയെ കടിച്ചത്. പരിക്കേറ്റ വിദ്യാർഥിനി അത്യാഹിത വിഭാഗത്തിൽ ചികിത്സ തേടി.
കേരളം ഉൾപ്പെടെ ഇന്ത്യയിലെ പല ഭാഗങ്ങളിലും തെരുവുനായ ആക്രമണങ്ങൾ വലിയ സാമൂഹിക-ആരോഗ്യ പ്രശ്നമായി തുടരുകയാണ്.
പ്രധാന കാരണങ്ങൾ
ജനസംഖ്യ നിയന്ത്രണത്തിന്റെ അഭാവം – നായകളെ വന്ധ്യംകരിക്കാത്തത് മൂലം തെരുവുനായുകളുടെ എണ്ണം അമിതമായി വർദ്ധിക്കുന്നു.
മാലിന്യ കൂമ്പാരം – ഭക്ഷണം എളുപ്പം കിട്ടുന്നതിനാൽ നായകൾ നഗരപ്രദേശങ്ങളിൽ കൂട്ടമായി ജീവിക്കുന്നു.
ജനങ്ങളുടെ അനാസ്ഥയും തെറ്റായ ഭക്ഷണശീലങ്ങളും – പലരും തെരുവിൽ നായകൾക്ക് ഭക്ഷണം നൽകുന്നു, എന്നാൽ നിയന്ത്രണങ്ങളില്ലാതെ.
ആരോഗ്യപരമായ ഇടപെടലുകളുടെ കുറവ് – നായകളിൽ റേബീസ് വാക്സിനേഷൻ അപര്യാപ്തം.
ആക്രമണം സംഭവിച്ചാൽ ചെയ്യേണ്ടത്
വെള്ളവും സോപ്പും ഉപയോഗിച്ച് മുറിവ് ഉടൻ കഴുകുക – കുറഞ്ഞത് 15 മിനിറ്റ് വരെ.
മെഡിക്കൽ സഹായം തേടുക – സർക്കാർ/സ്വകാര്യ ആശുപത്രിയിൽ ഉടൻ പോകുക.
ആവശ്യമായ വാക്സിനുകൾ എടുക്കുക – റേബീസ് വാക്സിൻ, ഇമ്മ്യൂണോഗ്ലോബുലിൻ എന്നിവ.
മുറിവ് പരിപാലിക്കുക – ഡോക്ടറുടെ നിർദ്ദേശങ്ങൾ പാലിക്കുക.
പ്രതിരോധ മാർഗങ്ങൾ
തെരുവുനായകൾക്ക് വന്ധ്യംകരണം (ABC Programme) വ്യാപകമായി നടപ്പിലാക്കുക.
നായകൾക്ക് റേബീസ് വാക്സിനേഷൻ ഉറപ്പാക്കുക.
മാലിന്യ സംസ്കരണം ശക്തമാക്കുക.
പൊതു ബോധവൽക്കരണം – നായകളെ പ്രകോപിപ്പിക്കാതിരിക്കുക, കുട്ടികളെ ജാഗ്രത പുലർത്താൻ പഠിപ്പിക്കുക.
Summary:
Kozhikode: Five people were injured in a stray dog attack at Perambra, Avala, in Kozhikode district.
