വിമാന ടിക്കറ്റ് എടുക്കുമ്പോൾ തങ്ങളുടെ ടിക്കറ്റിൽ ഈ നാല് ‘എസ്’ കള്‍ ഉണ്ടാകരുതേയെന്നാണ് ഓരോ യാത്രക്കാരന്റെയും പ്രാര്‍ത്ഥന.
ടിക്കറ്റിൽ ssss എന്ന് എഴുതിയിട്ടുണ്ടെങ്കില്‍ ഫ്ലൈറ്റ് ഗെയ്റ്റിലേക്കുള്ള യാത്ര ദുഷ്കരമാകുമെന്ന് വിദഗ്ധര്‍ മുന്നറിയിപ്പ് നല്‍കുന്നു. ‘ssss’ in flight ticket will lead to these problms
ടിക്കറ്റില്‍ ഇത് വന്നാല്‍ മിക്ക യാത്രക്കാര്‍ക്കും ഓണ്‍ലൈന്‍ വഴി ചെക്ക് ഇന്‍ ചെയ്യാനും കഴിയുകയില്ല. മാത്രമല്ല, ഏജന്റില്‍ നിന്നും നിങ്ങൾ പ്രിന്റഡ് ടിക്കറ്റ് കരസ്ഥമാക്കേണ്ടതായും വരും.
സെക്കന്‍ഡറി സെക്യൂരിറ്റി സ്‌ക്രീന്‍ സെലെക്ഷന്‍ എന്നത് സൂചിപ്പിക്കുന്ന ഈ 4 s കൾ ചില യാത്രക്കാരെ കൂടുതല്‍ സുരക്ഷാ പരിശോധനകള്‍ക്ക് വിധേയമാക്കുന്നതിനായി അമേരിക്കയിലെ സുരക്ഷാ അധികൃതര്‍ എടുത്ത ഒരു നടപടിയാണ് എന്ന് മുതിര്‍ന്ന ഏവിയേഷന്‍ എഴുത്തുകാരനായ സാഷ് ഗ്രിഫ് പറയുന്നു.
പ്രത്യേക കാരണങ്ങള്‍ പറയാതെ തന്നെ ചില യാത്രക്കാരുടെ ബോര്‍ഡിംഗ് പാസ്സില്‍ ഇത് കാണാനാകും. ബോര്‍ഡിംഗ് പാസ്സില്‍ ഇത് ഉണ്ടെങ്കിൽ അതിനര്‍ത്ഥം നിങ്ങള്‍ ട്രാന്‍സ്പോര്‍ട്ടേഷന്‍ സെക്യൂരിറ്റി അഡ്മിനിസ്‌ട്രേഷന്റെ അധിക സുരക്ഷാ പരിശോധനക്ക് വിധേയമാകണം എന്നാണ്.
അധിക സുരക്ഷാ സ്ക്രീനിംഗ് നടപടികൾ പൂർത്തിയാക്കിയ ശേഷം, ഒരു TSA ഏജൻ്റ് പേപ്പർ വർക്ക് പൂരിപ്പിക്കുകയും നിങ്ങൾ ഉചിതമായ രീതിയിൽ സ്ക്രീനിംഗ് ചെയ്തിട്ടുണ്ടെന്ന് സൂചിപ്പിക്കാൻ നിങ്ങളുടെ ബോർഡിംഗ് പാസ് സ്റ്റാമ്പ് ചെയ്യുകയും വേണം. നിങ്ങൾക്ക് സ്റ്റാമ്പ് ലഭിച്ചില്ലെങ്കിൽ, ഗേറ്റിൽ കയറാൻ ശ്രമിക്കുമ്പോൾ നിങ്ങൾക്ക് കൂടുതൽ കാലതാമസം നേരിടാം.
ക്രമരഹിതമായ പരിശോധന ലിസ്റ്റ് തയ്യാറാക്കല്‍, വണ്‍ – വേ ടിക്കറ്റ് മാത്രം ബുക്ക് ചെയ്യല്‍, പണം നല്‍കി ബോര്‍ഡിംഗ് പാസ് കരസ്ഥമാക്കല്‍ അല്ലെങ്കില്‍ റെഡ് ലിസ്റ്റിലുള്ള സ്ഥലങ്ങളിലേക്കുള്ള യാത്ര തുടങ്ങിയവയൊക്കെ നാല് ‘എസ്’ കള്‍ നിങ്ങളുടെ ബോര്‍ഡിംഗ് പാസ്സില്‍ വരുന്നതിന് കാരണമായേക്കാം.
എന്നാൽ,അതിനു പുറകിലെ കാരണം സുരക്ഷാ കാരണങ്ങളാല്‍ വെളിപ്പെടുത്താനാവില്ലെന്നാണ് ഹോം ലാന്ദ് സെക്യൂരിറ്റി ഡിപ്പാര്‍ട്ട്‌മെന്റ് പറയുന്നത്.
