ആകാശത്തെ പേടകങ്ങളെ കുറിച്ചുള്ള പഠനത്തെ പ്രോത്സാഹിപ്പിക്കുന്നതിനായി സംഘത്തെ നിയോഗിച്ച് ജപ്പാൻ. ഇതിനായി ഈ വിഷയത്തിൽ താല്പര്യമുള്ള വിവിധ രാഷ്ട്രീയ പാർട്ടിയിലെ പ്രതിനിധികളെ ഉൾപ്പെടുത്തി കമ്മറ്റി രൂപീകരിച്ചിട്ടുണ്ട്. ചൊവ്വാഴ്ച്ച പാർലമെൻ്റിൽ നടന്ന തയ്യാറെടുപ്പ് യോഗത്തിന് ശേഷം ജൂൺ 6ന് ഗ്രൂപ്പ് സ്ഥാപക പൊതുയോഗം നടത്തുമെന്ന് പാർലമെന്ററി കമ്മറ്റി അറിയിച്ചു. ജപ്പാനിലുടനീളം ആകാശത്ത് ദൃശ്യമാകുന്ന ഇത്തരം അജ്ഞാത കാഴ്ച്ചകളെ നിരീക്ഷിക്കുകയും പഠനം നടത്തുകയുമാണ് ഇതിലൂടെ ലക്ഷ്യമിടുന്നത്. ഗ്രൂപ്പിന്റെ പ്രവർത്തനങ്ങൾ ശാസ്ത്രീയ അടിത്തറയിലായിരിക്കുമെന്നും വിവിധ പ്രതിഭാസങ്ങളുടെ പഠനത്തിന് ഊന്നൽ നൽകുമെന്നും പാർലമെന്ററി ഗ്രൂപ്പ് ലീഡർ കൂടിയായ ടാരോ യമാഡ പറഞ്ഞു. അപൂർവമായി ആകാശത്ത് പ്രത്യക്ഷപ്പെടുന്ന ചില വസ്തുക്കളും സംഭവങ്ങളും പൊതുജനങ്ങളിൽ ജിജ്ഞാസയും സുരക്ഷാ ആശങ്കകളും ഉണ്ടാക്കുന്നുവെന്നും ഇതിൽ പരിഹാരം കാണേണ്ടത് ഭരണ സംവിധാനങ്ങളുടെ ചുമതലയാണെന്നും യമാഡ പറഞ്ഞു.

Read also: അത്താഴം സമയത്ത് വിളമ്പി നൽകിയില്ല: ഭാര്യയെ കഴുത്തറുത്ത് കൊലപ്പെടുത്തിയശേഷം തൊലിയുരിച്ച് ഭർത്താവ്: അറസ്റ്റിൽ