തട്ടിക്കൂട്ട് സിനിമകൾ അനൗൺസ് ചെയ്യുന്നവരാണ് പെൺകുട്ടികളെ ലൈംഗിക ചൂഷണം നടത്തുന്നവരിൽ ഏറെയെന്ന് നടി സോണിയ മൽഹാർ.Sonia Malhar with disclosure
കാസ്റ്റിംഗ് കോളിൽ പെൺകുട്ടികളെ വിളിച്ചുവരുത്തിയാണ് കെണിയിൽ വീഴ്ത്തുന്നതെന്നും താരം വെളിപ്പെടുത്തുന്നു. ആദ്യം പെൺകുട്ടികളെ പുകഴ്ത്തി പറയുകയും അനുകൂല നിലപാട് സ്വീകരിക്കുന്നവരെ ലൈംഗിക ചൂഷണത്തിന് ഇരയാക്കുകയുമാണ് ചെയ്യുന്നതെന്നും താരം വെളിപ്പെടുത്തുന്നു.
ഒരു ചാനൽ ചർച്ചയിലാണ് താരം സിനിമാ മേഖലയിലെ ലൈംഗിക ചൂഷണത്തിന്റെ സ്ട്രാറ്റജി വിവരിച്ചത്.
കാസ്റ്റിംഗ് കോളിന്റെ മറവിൽ കുറെ പെൺകുട്ടികളെ വിളിക്കും. പിന്നാലെ ഫോട്ടോ ഷൂട്ട്, അഭിനിയിപ്പിക്കൽ എന്നിവ നടത്തും. പിന്നെ ഓരോരുത്തരായി വളച്ചു നോക്കും.
മുഖം കൊള്ളം കണ്ണ് കൊള്ളാം നിതംബം കൊള്ളം ഇതാക്കെയാണ് പുകഴ്ത്തൽ. ആരെങ്കിലും വലയിലായാൽ അവരെ ഉപയോഗിക്കും. ഇത്തരത്തിൽ നിരവധി ചൂഷണങ്ങളാണ് നടക്കുന്നത്.
വിവാഹിതരാണെങ്കിൽ അവർക്ക് പ്രത്യേകം പരിശോധനയുണ്ടെന്നും താരം പറയുന്നു. അവരോട് സ്ട്രെച്ച് മാർക്ക് ഉണ്ടോ എന്ന് അന്വേഷിക്കും സ്തനത്തിന്റെ ഭാഗങ്ങൾ ഫോട്ടോ എടുത്ത് കാണിക്കാൻ പറയുമെന്നും സോണിയ മൽഹാർ പറയുന്നു.
എന്നാൽ എല്ലാ സിനിമക്കാരെയും അടച്ച് ആക്ഷേപിക്കുന്നില്ല. തട്ടിക്കൂട്ട് സിനിമകൾ അനൗൺസ് ചെയ്യുന്നവരാണ് ഇത്തരത്തിലുള്ള പാരിപാടികൾ കാണിക്കുന്നത്. കുറ്റാരോപിതർക്കെതിരെയാണ് നടപടിയെടുക്കേണ്ടത്.
അവരെയാണ് മാറ്റി നിർത്തേണ്ടത്. എന്നാൽ സിനിമ നല്ലരീതിയിൽ മുന്നോട്ട് പോകുമെന്നും സോണിയ മൽഹാർ പറഞ്ഞു. വർഷങ്ങൾക്ക് മുൻപ് തന്നെ ഒരു യുവനടൻ കയറി പിടിച്ചെന്നും പിന്നീട് മാപ്പ് പറഞ്ഞെന്നും സോണിയ വെളിപ്പെടുയിരുന്നു.
