വളർത്തമ്മയെ കൊലപ്പെടുത്തി മകൻ

വളർത്തമ്മയെ കൊലപ്പെടുത്തി മകൻ

ഓൺലൈൻ ഗെയിം കളിക്കാൻ ആവശ്യമായ പണം നൽകാൻ വിസമ്മതിച്ചതിന് വളർത്തുമാതാവിനെ കൊലപ്പെടുത്തിയ മകനെയും, തെളിവുകൾ നശിപ്പിക്കാൻ സഹായിച്ച പിതാവിനെയും പൊലീസ് അറസ്റ്റ് ചെയ്തു.

വസായ് ഈസ്റ്റിലെ ഗോഗിവാരയിൽ ആദ്യ ഭാര്യയോടൊപ്പം താമസിക്കുന്ന ആമിർ ഖുസ്റു (64), മകൻ ഇംറാൻ ഖുസ്റു (32) എന്നിവരാണ് അറസ്റ്റിലായത്. വസായ് വെസ്റ്റിലെ ഭബോള സ്വദേശിനിയായ അർഷിയ ഖുസ്റു (61)യാണ് കൊല്ലപ്പെട്ടത്.

ആമിറും അർഷിയയും ചേർന്ന് ട്രാവൽ ഏജൻസി നടത്തിവരികയായിരുന്നു. കഴിഞ്ഞ ശനിയാഴ്ച രാത്രിയോടെയാണ് കൊലപാതകത്തിന് ആധാരമായ സംഭവം നടന്നത്.

ഓൺലൈൻ ഗെയിമുകളിൽ വലിയ ആശക്തിയുണ്ടായിരുന്ന ഇംറാൻ ഗെയിം കളിക്കാൻ 1.8 ലക്ഷം രൂപ ആവശ്യപ്പെട്ട് വളർത്തുമാതാവായ അർഷിയയെ സമീപിച്ചു.

പണം നൽകാൻ അർഷിയ നിഷേധിച്ചതോടെ ഇംറാൻ വീട്ടിനുള്ളിൽ കയറി ക്രൂരമായി ആക്രമിച്ചു. ചുമരിൽ തലയിടിച്ച് രക്തം വാർന്നാണ് അർഷിയ മരിച്ചത്.

കൊലപാതകത്തിന് ശേഷം ഇംറാൻ അച്ഛനായ ആമിറിനെ വിവരമറിയിച്ചു. ഇരുവരും ചേർന്ന് പരിചയമുള്ള ഡോക്ടറുടെ സഹായത്തോടെ വ്യാജ മരണം കാണിച്ച് സർട്ടിഫിക്കറ്റ് ക്രമീകരിക്കുകയും അതിന്റെ അടിസ്ഥാനത്തിൽ അർഷിയയുടെ സംസ്കാര ചടങ്ങുകൾ വേഗത്തിൽ നടത്തുകയും ചെയ്തു.

അർഷിയയുടെ സ്വർണവും ഇവർ കൈവശംവച്ചു. കൊലപാതകത്തിന്റെയും മരണം മറയ്ക്കുന്നതിന്റെയും തെളിവുകൾ നശിപ്പിക്കാൻ ശ്രമിച്ചെങ്കിലും, മുറിയിലെ ചില ഭാഗങ്ങളിൽ രക്തക്കറ കണ്ടത് തുടർന്ന് നടത്തിയ നാവെഷണത്തിൽ കുറ്റം പുറത്ത് വന്നതായി പൊലീസ് പറഞ്ഞു.

സംസ്കരിച്ച മൃതദേഹം പുറത്തെടുത്ത് പോസ്റ്റുമോർട്ടത്തിനായി അയച്ചു. വ്യാജ സർട്ടിഫിക്കറ്റ് നൽകിയ ഡോക്ടർക്കെതിരെയും നിയമനടപടികൾ സ്വീകരിക്കുന്നതാണെന്ന് അന്വേഷണം നടത്തുന്ന ഉദ്യോഗസ്ഥർ അറിയിച്ചു.

Summary:
A man was arrested for murdering his foster mother after she refused to give him money to play online games. His father was also arrested for helping him destroy evidence.