അരുണാചല് പ്രദേശ്, സിക്കിം നിയമസഭകളിലേക്ക് നടന്ന തിരഞ്ഞെടുപ്പിന്റെ വോട്ടെണ്ണല് പുരോഗമിക്കുന്നു. 32 സീറ്റുകളിലേക്കാണ് സിക്കിമില് വോട്ടെടുപ്പ് നടന്നത്. 32 സീറ്റുകളിലേക്ക് നടന്ന തെരഞ്ഞെടുപ്പില് 31 ഇടത്തും സിക്കിം ക്രാന്തികാരി മോര്ച്ചയ്ക്കാണ് ലീഡ് ചെയ്യുന്നത്. പ്രതിപക്ഷ പാര്ട്ടിയായ സിക്കി ഡെമോക്രാറ്റിക് ഫ്രണ്ട് ഒരിടത്ത് മാത്രമാണ് ലീഡ് ഉയര്ത്തിയത്. തുടർഭരണം കിട്ടുമെന്നായിരുന്നു എക്സിറ്റ് പോൾ പ്രവചനം.
രണ്ട് സംസ്ഥാനങ്ങളിലെയും നിയമസഭകളുടെ കാലാവധി ഇന്ന് അവസാനിക്കുന്ന പശ്ചാത്തലത്തിലാണ് വോട്ടെണ്ണല് നേരത്തെയാക്കാന് തിരഞ്ഞെടുപ്പുകമ്മിഷന് തീരുമാനിച്ചത്. രാവിലെ ആറ് മണി മുതലാണ് വോട്ടെണ്ണൽ തുടങ്ങിയത്.
ഏപ്രിൽ 19 നായിരുന്നു രണ്ട് സംസ്ഥാനങ്ങളിലെയും നിയമസഭകളിലേക്കുള്ള വോട്ടെടുപ്പ് നടന്നത്. സിക്കിമിൽ 79.88, അരുണാചൽപ്രദേശിൽ 82.95 എന്നിങ്ങനെയായിരുന്നു പോളിംഗ് ശതമാനം. ഭരണകക്ഷിയായ എസ്കെഎമ്മും പവൻ കുമാർ ചാംലിംഗിൻ്റെ എസ്ഡിഎഫും തമ്മിലാണ് സിക്കിമിലെ പ്രധാന മത്സരം.ബിജെപി, കോൺഗ്രസ് സ്ഥാനാർത്ഥികളും മത്സരരംഗത്തുണ്ട്.
Read More: അത്യുഷ്ണം; തെരഞ്ഞെടുപ്പിനിടെ യുപിയിൽ മരിച്ചത് 33 ഉദ്യോഗസ്ഥർ
