എസ് ഡി പി ഐ സംസ്ഥാന സെക്രട്ടറിയായിരുന്ന കെ എസ് ഷാൻ വധക്കേസിലെ കുറ്റപത്രം മടക്കണമെന്ന് ആവശ്യപ്പെട്ടുള്ള പ്രതികളുടെ ഹർജിയിൽ വാദം തുടരും. ഈ മാസം 13 ന് ആലപ്പുഴ അഡീഷണൽ സെഷൻസ് കോടതി മൂന്ന് കേസും പരിഗണിക്കും. പബ്ലിക് പ്രോസിക്യൂട്ടർ ഹാജരാവാത്തതിനെ തുടർന്നാണ് നേരത്തെ വാദം മാറ്റിയത്.
ജില്ലാ സി ബ്രാഞ്ച് ഡിവൈഎസ്പി കെ വി ബെന്നിയാണ് അന്വഷണം നടത്തി കേസിൽ കുറ്റപത്രം സമർപ്പിച്ചത്. എന്നാൽ കുറ്റപത്രം സമർപ്പിക്കേണ്ടത് ബന്ധപ്പെട്ട സ്റ്റേഷൻ ഹൗസ് ഓഫീസറാണെന്നും ഡിവൈഎസ്പിക്ക് ഇതിന് അധികാരമില്ലെന്നുമാണ് പ്രതികൾ ഉന്നയിക്കുന്ന വാദം. കുറ്റപത്രം മടക്കി നൽകണമെന്നാണ് ഹർജിയിലെ പ്രധാന ആവശ്യം. പ്രതികൾക്കായി അഡ്വ. ശാസ്തമംഗലം അജിത്ത് കോടതിയിൽ ഹാജരായി. ഈ ഹർജി തീർപ്പാക്കിയ ശേഷം മാത്രമെ കേസിൽ വാദം തുടങ്ങാനാകു.
Read Also :ബജറ്റിനെതിരെ രൂക്ഷവിമർശനവുമായി കെ സുരേന്ദ്രൻ : പരാമർശങ്ങൾ പലതും വസ്തുത വിരുദ്ധം
