തിരുവനന്തപുരം: ഷാഫി പറമ്പിൽ പാലക്കാട് നിയോജക മണ്ഡലം എംഎൽഎ സ്ഥാനം രാജിവച്ചു. സ്പീക്കര്‍ എഎൻ ഷംസീറിൻ്റെ ഓഫീസിൽ നേരിട്ടെത്തിയാണ് രാജി സമര്‍പ്പിച്ചത്. വടകരയിൽ നിന്ന് ലോക്‌സഭാംഗമായി വിജയിച്ചതിനെ തുടർന്നാണ് രാജി നൽകിയത്.(Shafi parambil resigned as MLA)
ഷാഫിയുടെ രാജിയോടെ പാലക്കാട് നിയോജക മണ്ഡലത്തിൽ ഉപതെരഞ്ഞെടുപ്പ് ഉറപ്പായി. കഴിഞ്ഞ മൂന്നു നിയമസഭാ തെരഞ്ഞെടുപ്പുകളിൽ യുഡിഎഫിനൊപ്പം നിന്ന മണ്ഡലമാണ് പാലക്കാട്. കഴിഞ്ഞ തെരഞ്ഞെടുപ്പിൽ മെട്രോമാൻ ഇ.ശ്രീധരനെ ഇറക്കി ബിജെപി കളം നിറഞ്ഞപ്പോൾ 3859 വോട്ടിനായിരുന്നു ഷാഫിയുടെ വിജയം. ലോക്സഭാ തെരഞ്ഞെടുപ്പിൽ ഇത്തവണ പാലക്കാട് നിയമസഭാ മണ്ഡലത്തിൽ നിന്ന് യുഡിഎഫിന് 52,779 വോട്ടാണ് ലഭിച്ചത്.
ലോക്സഭയിലേക്ക് വടകരയിൽ നിന്ന് മത്സരിക്കാൻ ഷാഫി പറമ്പിൽ തീരുമാനിച്ചപ്പോൾ പകരം ആര് വരുമെന്ന ചർച്ചകൾ സജീവമായിരുന്നു. യൂത്ത് കോൺഗ്രസ് അധ്യക്ഷൻ രാഹുൽ മാങ്കൂട്ടത്തിൽ, വി.ടി ബൽറാം എന്നിവരുടെ പേരുകളാണ് യുഡിഎഫിൽ നിന്ന് ഉയർന്നു വരുന്നത്.
Read Also: ടോൾ അടയ്ക്കാൻ പറഞ്ഞത് ഇഷ്ടമായില്ല; ടോൾ ബൂത്തടക്കം ബുൾഡോസർ കൊണ്ട് തകർത്ത് യുവാവ് ! വീഡിയോ
Read Also: ഒരു വർഷമായുള്ള ഗതാഗത നിയന്ത്രണത്തിന് അവസാനം; കുതിരാൻ തുരങ്കം ഈ ആഴ്ച തുറന്നു കൊടുക്കും
