ഇടുക്കി കല്ലാറിലെ സ്വകാര്യ ആന സഫാരി കേന്ദ്രത്തിൽ ആനയുടെ ചവിട്ടേറ്റ് രണ്ടാം പാപ്പാൻ മരിച്ചു. കാസർക്കോട് നീലേശ്വരം സ്വദേശി ബാലകൃഷ്ണൻ ആണ് മരിച്ചത്. 62 വയസായിരുന്നു. വ്യാഴാഴ്ച വൈകിട്ട് ആറരയോടെ ആയിരുന്നു അപകടം. (Second mahout dies after being trampled by elephant in Kallar idukki)

സഫാരി കഴിഞ്ഞു ആനയെ തളക്കുന്നതിനിടെയാണ് ബാലകൃഷ്ണന് ചവിട്ടേറ്റത്. ആന പല തവണ പാപ്പാനെ ചവിട്ടുകയും അവസാനം തുമ്പിക്കൈയിൽ കോർത്ത് നിലത്തിടുകയും ചെയ്യുകയായിരുന്നു. കേരള ഫാം എന്ന ആന സഫാരി കേന്ദ്രത്തിൽ വച്ചാണ് സംഭവം നടന്നത്.

പോലീസ് വിശദമായ അന്വേഷണം ആരംഭിച്ചു. മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം മൃത​​ദേഹം കുടുംബത്തിന് വിട്ടുനൽകും.

Read More: ഇരട്ട മുറി വീട്ടിൽ നിന്നും കഷ്ടപ്പെട്ട് നേടിയത് ദിവസവും അഞ്ചുകോടി ശമ്പളം വാങ്ങുന്ന സിഇഒ ജോലി, സുന്ദർ പിച്ചൈയുടെ ജീവിത കഥ ഇങ്ങനെ

Read More: ഈഫൽ ടവറിനേക്കാൾ ഉയരത്തിലുള്ള ഈ പാലത്തിലൂടെ ഇനി ട്രെയിൻ ഓടും; ആദ്യ പരീക്ഷണ ഓട്ടം വിജയിച്ചെന്ന് ഇന്ത്യൻ റെയിൽവേ; വീഡിയോ

Read More: റിമോട്ട് കൺട്രോൾ ഗേറ്റിനിടയില്‍ കുടുങ്ങി, നാലാം ക്ലാസുകാരന് ദാരുണാന്ത്യം