കൊല്ലം: സംസ്ഥാനത്ത് കുത്തനെ ഉയർന്ന മീൻ വില കുറയുന്നു. കിലോയ്ക്ക് 400 കടന്ന മത്തിയുടെ വിലായിപ്പോൾ കൊല്ലത്തെ വിപണികളിൽ 240 രൂപയായി കുറഞ്ഞിട്ടുണ്ട്. ട്രോളിംഗ് നിരോധനത്തിന് പിന്നാലെയാണ് മത്തിയടക്കമുള്ള മീനുകൾക്ക് വില കുത്തനെയുയർന്നത്.(Sardine price come down)
ഒരാഴ്ചയ്ക്കിടെ മത്സ്യലഭ്യതയില് ഉണ്ടായ വര്ധനയാണ് വിലയിൽ മാറ്റം വരുത്തിയത്. നെത്തോലിക്ക് 30 മുതൽ 40 വരേയും മത്തിക്ക് 240 മുതൽ 260 വരേയും വിലയായി കുറഞ്ഞിട്ടുണ്ട്. കിളിമീന് 160 മുതൽ 200 വരേയും ചൂര 150 മുതൽ 200 വരേയും ചെമ്മീന് 320 മുതൽ 380 വരേയുമായാണ് കുറഞ്ഞത്.
രണ്ട് മാസത്തോളം നീളുന്ന ട്രോളിംഗ് നിരോധന കാലത്ത് പരമ്പരാഗത വള്ളങ്ങൾക്ക് മാത്രമാണ് മത്സ്യബന്ധനത്തിന് അനുമതിയുള്ളത്. ട്രോളിംഗ് നിരോധനത്തിന് പിന്നാലെ ചെറുവള്ളങ്ങളിൽ പിടിച്ചുകൊണ്ടു വരുന്ന മത്തിയുടെ വില 400 കടന്നിരുന്നു.
Read Also: വീട്ടിൽ കൂത്താടിയുണ്ടോ, പണി പിന്നാലെയുണ്ട് ! കേസും പിഴയുമായി കോടതിയെത്തും
Read Also: എന്റെ പൊന്നെ ഇതെന്നാ പോക്കാ…ഇന്ന് കൂടിയത് എത്ര എന്നറിയാമോ? പവൻ വില വരും ദിവസങ്ങളിലും ഉയർന്നേക്കും
