ചാരവൃത്തി നടത്തി എന്നാരോപിച്ച് റഷ്യൻ വംശജനായ യു.എസ്. പൗരനെ മോസ്‌കോ കോടതി 15 വർഷം തടവിന് ശിക്ഷിച്ചു വ്യവസായിയായ ജീൻ സ്‌പെക്ടറാണ് ശിക്ഷിക്കപ്പെട്ടത്. നിലവിൽ മൂന്നര വർഷത്തെ തടവ് അനുഭവിക്കുകയായിരുന്നു ജീൻ. Russian-born US citizen sentenced to 15 years in prison for espionage
രഹസ്യ വിചാരണയായതിനാൽ സംഭവവുമായി ബന്ധപ്പെട്ട് കൂടുതൽ വിവരങ്ങൾ പുറത്തു വന്നിട്ടില്ല. അടുത്ത കാലത്തായി ഓട്ടേറെ അമേരിക്കൻ പൗരന്മാരെ വിവിധ കാരണങ്ങളാൽ റഷ്യ തടവലാക്കിയിട്ടുണ്ട്.
തടവുകാരെ കൈമാറ്റം ചെയ്യുന്നതിലൂടെയുള്ള കരാർ പ്രകാരം അമേരിക്കൻ പത്രപ്രവർത്തകനായ ഇവാൻ ഗെർഷ്‌കോവിച്ച് മോചിപ്പിക്കപ്പെട്ടിരുന്നു. ഇപ്പോൾ ചാരവൃത്തി ചുമത്തപ്പെട്ട അമേരിക്കൻ പൗരന് 14 മില്യൺ റൂബിൾ പിഴയും വിധിച്ചിട്ടുണ്ട്. മെഡിക്കൽ ഉപകരണങ്ങൾ നിർമിക്കുന്ന കമ്പനി നടത്തുകയായിരുന്നു ശിക്ഷയ്ക്ക് വിധേയനാക്കപ്പെട്ട പ്രതി.
