സ്കൂളിന്റെ മേല്ക്കൂര ഇടിഞ്ഞ് വീണ് 4 മരണം
ജയ്പൂര്: സ്കൂൾ കെട്ടിടത്തിന്റെ മേല്ക്കൂര ഇടിഞ്ഞ് വീണ് നാല് വിദ്യാര്ത്ഥികൾ മരിച്ചു. രാജസ്ഥാനിലെ ജലവര് ജില്ലയിലെ ഒരു ഗവണ്മെന്റ് സ്കൂളിലാണ് അപകടം നടന്നത്.
അപകടത്തിൽ 17 പേര്ക്ക് പരിക്കേറ്റതായാണ് വിവരം. സ്കൂളിൽ അധ്യാപനം നടക്കുന്നതിനിടയിലായിരുന്നു സംഭവം.
അപകടം ഹൃദയഭേദകമാണെന്നും പരിക്കേറ്റ വിദ്യാര്ത്ഥികൾക്ക് മതിയായ ചികിത്സ നല്കാന് അധികൃതര്ക്ക് നിര്ദേശം നല്കിയിട്ടുണ്ടെന്നും രാജസ്ഥാന് മുഖ്യമന്ത്രി ഭജന്ലാല് ശര്മ എക്സിലൂടെ അറിയിച്ചു.
അപകടത്തിൽ പരിക്കേറ്റ വിദ്യാര്ത്ഥികളില് നാലോളം വിദ്യാര്ത്ഥികളുടെ നില ഗുരുതരമായി തുടരുകയാണ്. അപകടത്തിൽപ്പെട്ട വിദ്യാര്ത്ഥികളെ അധ്യാപകരുടേയും പ്രദേശവാസികളുടെയും സഹായത്തോടെയാണ് പുറത്തെത്തിച്ചത്.
പരിക്കേറ്റ വിദ്യാര്ത്ഥികൾക്ക് എത്രയും വേഗം സുഖം പ്രാപിക്കാന് ദൈവത്തോട് പ്രാര്ത്ഥിക്കുന്നു എന്ന് രാജസ്ഥാന് മുന് മുഖ്യമന്ത്രി അശോക് ഗഹ്ലോട്ട് എക്സില് കുറിച്ചു.
Summary: Tragedy struck in Rajasthan’s Jalore district when the roof of a government school building collapsed, resulting in the death of four students. The incident has triggered widespread grief and raised serious concerns about infrastructure safety in public schools.
