റിയാദിൽ വാഹനത്തിനുള്ളിൽ തമിഴ്നാട് സ്വദേശി മരിച്ച നിലയിൽ
റിയാദ്: തമിഴ്നാട് തിരുനെല്വേലി സ്വദേശിയായ വെള്ളദുരൈ എന്ന 66-കാരനെ റിയാദിൽ വാഹനത്തിനുള്ളിൽ മരിച്ച നിലയിൽ കണ്ടെത്തി.
സ്ഥിരമായി വാഹനം പാർക്ക് ചെയ്യുന്ന സ്ഥലത്ത് അദ്ദേഹം സഞ്ചരിച്ചിരുന്ന ഡയന വാനിനുള്ളിലാണ് മൃതദേഹം കണ്ടെത്തിയത്.
ഫോണിൽ പലതവണ വിളിച്ചിട്ടും ലഭിക്കാത്തതിനെ തുടർന്ന് സുഹൃത്തുക്കൾ നടത്തിയ തിരച്ചിലിലാണ് വെള്ളദുരൈയെ വാഹനത്തിനുള്ളിൽ അബോധാവസ്ഥയിൽ കണ്ടെത്തിയത്.
റംസാൻ മാസത്തിൽ ആറ്റുകാൽ പൊങ്കാല; സൈബർ ആക്രമണങ്ങൾക്ക് മറുപടിയുമായി നടി റെനീഷ റഹ്മാൻ
റെഡ് ക്രസന്റ് എത്തി മരണം സ്ഥിരീകരിച്ചു
തുടർന്ന് വിവരം കെ.എം.സി.സി പ്രവർത്തകരെ അറിയിക്കുകയായിരുന്നു. റെഡ് ക്രസന്റ് അധികൃതർ സ്ഥലത്തെത്തി മരണം സ്ഥിരീകരിക്കുകയും മൃതദേഹം തുടർനടപടികൾക്കായി ആശുപത്രിയിലേക്ക് മാറ്റുകയും ചെയ്തു.
നിയമനടപടികൾക്ക് കെ.എം.സി.സി പിന്തുണ
പരേതരായ മാതാപിതാക്കളുടെ മകനായ വെള്ളദുരൈയുടെ ഭാര്യയും നേരത്തെ മരണപ്പെട്ടിരുന്നു. സുദലൈമണിയാണ് ഏക മകൻ.
മരണാനന്തര നിയമനടപടികൾ ഏകോപിപ്പിക്കുന്നതിനായി റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ് രംഗത്തുണ്ട്.
ചെയർമാൻ റഫീഖ് പുല്ലൂർ, കൺവീനർ റിയാസ് തിരൂർക്കാട്, ഉമർ അമാനത്ത്, നസീർ കണ്ണീരി എന്നിവരുടെ നേതൃത്വത്തിലാണ് നടപടികൾ പുരോഗമിക്കുന്നത്.
English Summary:
A 66-year-old Indian expatriate from Tirunelveli, Tamil Nadu, was found dead inside his vehicle in Riyadh, Saudi Arabia. Friends began searching for him after he did not respond to phone calls and later discovered him unconscious in his parked van. Saudi Red Crescent officials arrived at the scene, confirmed the death, and shifted the body to a hospital for further procedures. KMCC welfare volunteers in Riyadh are coordinating the legal formalities related to the death.
