വാഹനാപകടത്തിൽ വിടവാങ്ങിയ മിമിക്രി താരം കൊല്ലം സുധിയുടെ ഭാര്യ രേണു സുധി ഇപ്പോൾ സമൂഹ മാധ്യമങ്ങളിൽ സജീവമാണ്. നിരവധി ഷോട്ട് ഫിലിമുകളിലും റീലുകളിലും രേണു അഭിനയിച്ചിട്ടുണ്ട്. ഇപ്പോഴിതാ തങ്ങളുടെ പ്രണയത്തേപ്പറ്റിയും വിവാഹത്തെപ്പറ്റിയും മനസ്സ്തുറക്കുകയാണ് രേണു സുധി.
തന്റെ യഥാര്‍ത്ഥ പേര് രേണു സുധി എന്നല്ല എന്ന് അവർ പറയുന്നു. യഥാര്‍ത്ഥ പേര് രേഷ്മ തങ്കച്ചന്‍ എന്നാണ്. വീട്ടില്‍ വിളിച്ചിരുന്ന പേരാണ് രേണു സുധി. ഈ പേര് സുധി ചേട്ടന് ഇഷ്ടമായതുകൊണ്ട് അങ്ങനെ വിളിച്ചിരുന്നതാണ്.
തന്റെ പേരിനൊപ്പം സുധി എന്ന് ഉപയോഗിക്കുന്നതിനെതിരെ പലരും എതിരഭിപ്രായം രേഖപ്പെടുത്താറുണ്ടെന്നും രേണു പറയുന്നു. എന്നാൽ മറ്റൊരു വിവാഹം കഴിക്കുകയാണെങ്കില്‍ മാത്രമേ പേരിനൊപ്പമുള്ള സുധിയെ മുറിച്ച് മാറ്റുകയുള്ളൂവെന്നും അതുവരെ താന്‍ രേണു സുധി എന്ന് തന്നെ അറിയപ്പെടുമെന്നും അവർ വ്യക്തമാക്കി.
സുധിയുമായി പ്രണയത്തിലായി മൂന്ന് നാല് മാസങ്ങള്‍ക്ക് ശേഷമാണ് വിവാഹം നടന്നത്. ഇപ്പോൾ തനിക്ക് നിരവധി വിവാഹാലോചനകള്‍ വരുന്നുണ്ടെന്നും രേണു സുധി പറഞ്ഞു. സ്വകാര്യ യൂട്യൂബ് ചാനലിന് നല്‍കിയ അഭിമുഖത്തിലാണ് രേണു ഇക്കാര്യങ്ങൾ പറഞ്ഞത്.
ഡിവോഴ്‌സിയായ ഒരു സര്‍ക്കാര്‍ ഉദ്യോഗസ്ഥനും മറ്റൊരു ദുബായ്ക്കാരനും തന്നെ വിവാഹം കഴിക്കാനുള്ള ആഗ്രഹവുമായി സമീപിച്ചു. എന്നാല്‍ വിവാഹം കഴിക്കാന്‍ ആലോചിക്കുന്നില്ലെന്നാണ് ഞാൻ അവരോട് പറഞ്ഞത്. സുധിയോട് ഇപ്പോഴും മനസ്സില്‍ പ്രണയം സൂക്ഷിക്കുന്നുണ്ടെന്നും അവര്‍ പറയുന്നുണ്ട്.
ഞാനിപ്പോഴും ദാരിദ്ര്യം അനുഭവിക്കുന്ന ആളാണ്. എനിക്ക് ഒന്നും തരാന്‍ ആരുമില്ല, എന്റെ കുട്ടികള്‍ക്ക് ഒരുനേരത്തെ ആഹാരം നല്‍കാനായാണ് ഞാനിപ്പോള്‍ ജോലി ചെയ്യുന്നത് എന്നും രേണു സുധി പറയുന്നു.
