വിവാദ പരാമർശവുമായി അടൂർ

വിവാദ പരാമർശവുമായി അടൂർ

തിരുവനന്തപുരം: സിനിമാ കോണ്‍ക്ലേവില്‍ സ്ത്രീകള്‍ക്കും ദളിത് വിഭാഗങ്ങള്‍ക്കുമെതിരെ അധിക്ഷേപ പരാമർശം നടത്തി സംവിധായകൻ അടൂര്‍ ഗോപാലകൃഷ്ണന്‍.

സിനിമ നിര്‍മിക്കാന്‍ സ്ത്രീകള്‍ക്കും ദളിത് വിഭാഗങ്ങള്‍ക്കും സര്‍ക്കാര്‍ ഫണ്ട് നൽകുന്നതിനെക്കുറിച്ചായിരുന്നു വിവാദ പരാമര്‍ശം.

സര്‍ക്കാരിന്റെ ഫണ്ടില്‍ സിനിമ നിര്‍മിക്കാന്‍ ഇറങ്ങുന്നവര്‍ക്ക് മൂന്ന് മാസത്തെ ഇന്റന്‍സീവ് ട്രെയിനിംഗ് കൊടുക്കണമെന്ന് അടൂർ പറഞ്ഞു.

പണം ലഭിച്ചവര്‍ക്ക് പരാതിയാണെന്നും അവരെ പറഞ്ഞ് മനസിലാക്കണമെന്നും അദ്ദേഹം കുറ്റപ്പെടുത്തി.

‘പട്ടികജാതി പട്ടികവര്‍ഗത്തിന് സര്‍ക്കാര്‍ നല്‍കുന്ന പണം ഒന്നരക്കോടിയാണ്. ഇത് അഴിമതിക്കുള്ള വഴിയുണ്ടാക്കുകയാണെന്ന് ഞാന്‍ മുഖ്യമന്ത്രിയോട് പറഞ്ഞിരുന്നു. ഉദ്ദേശ്യം വളരെ നല്ലതാണ്.

എന്നാല്‍ ഈ തുക മൂന്ന് പേര്‍ക്കായി നല്‍കണം. മൂന്ന് മാസത്തെ പരിശീലനം നല്‍കണം. അവര്‍ക്ക് മൂന്ന് മാസം വിദഗ്ധരുടെ പരിശീലനം നല്‍കണം’, എന്നാണ് അടൂര്‍ ഗോപാലകൃഷ്ണന്‍ പറഞ്ഞത്.

വാണിജ്യ സിനിമ എടുക്കാനുള്ള കാശല്ലയിത്. ജനങ്ങളില്‍ നിന്ന് കരം പിടിച്ച പണമാണെന്ന് അവരെ പറഞ്ഞ് മനസിലാക്കണം. സ്ത്രീയായത് കൊണ്ട് മാത്രം പണം കൊടുക്കരുത്, അവര്‍ക്കും പരിശീലനം നല്‍കണം എന്നും അടൂർ പറഞ്ഞു.

എല്ലാ പ്രയാസങ്ങളും അറിഞ്ഞ് വേണം പണമെടുക്കാൻ, വ്യക്തമായ പരിശീലനം ഇല്ലാതെ സിനിമ എടുത്താല്‍ ആ പണം നഷ്ടം ആകുമെന്ന് അടൂര്‍ പറഞ്ഞു.

തലസ്ഥാനത്ത് ഇന്നലെയും ഇന്നുമാണ് സിനിമാ കോണ്‍ക്ലേവ് നടക്കുന്നത്. മുഖ്യമന്ത്രി പിണറായി വിജയനാണ് സിനിമാ കോണ്‍ക്ലേവ് ഉദ്ഘാടനം ചെയ്തത്.

Summary: Renowned filmmaker Adoor Gopalakrishnan sparked controversy at a cinema conclave with remarks perceived as derogatory towards women and Dalit communities. The comments were made while addressing government funding for films made by women and Dalit filmmakers.