‘സഹയാത്രികർ ലൈഫ് ജാക്കറ്റ് പോലും ഇല്ലാതെ നടുക്കടലിലേക്ക് ചാടുകയാണല്ലോ സാർ’: പരിഹസിച്ച് മാങ്കൂട്ടത്തിൽ
തിരുവനന്തപുരം: ഇടതു സഹയാത്രികനും ചാനൽ ചർച്ചകളിലെ സജീവ സാന്നിധ്യവുമായിരുന്ന റെജി ലൂക്കോസ് ബിജെപിയിൽ ചേർന്നതിനു പിന്നാലെ പരിഹാസ പ്രതികരണവുമായി പാലക്കാട് എംഎൽഎ രാഹുൽ മാങ്കൂട്ടത്തിൽ രംഗത്തെത്തി.
‘കപ്പൽ ആടി ഉലയുക മാത്രമല്ല, സഹയാത്രികർ ലൈഫ് ജാക്കറ്റ് പോലും ഇല്ലാതെ നടുക്കടലിലേക്ക് എടുത്ത് ചാടുക കൂടിയാണല്ലോ സാർ…’ എന്നാണ് രാഹുൽ സമൂഹമാധ്യമത്തിൽ കുറിച്ചത്.
സംസ്ഥാനത്ത് നിയമസഭാ തിരഞ്ഞെടുപ്പ് അടുത്തിരിക്കെ ആണ് റെജി ലൂക്കോസിന്റെ ബിജെപി പ്രവേശനം. മാരാർജി ഭവനിൽ നടന്ന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിൽ നിന്നാണ് അദ്ദേഹം അംഗത്വം സ്വീകരിച്ചത്.
കേരളത്തിലെ നിലവിലെ സാഹചര്യത്തിൽ രാഷ്ട്രീയ യുദ്ധത്തിനല്ല സാധ്യതയെന്നും, പഴയ ദ്രവിച്ച ആശയങ്ങളുമായി മുന്നോട്ടുപോയാൽ സംസ്ഥാനം വലിയ പ്രതിസന്ധി നേരിടേണ്ടിവരുമെന്നും റെജി ലൂക്കോസ് പറഞ്ഞു.
ബിജെപി ദേശീയ നേതൃത്വം മുന്നോട്ടുവയ്ക്കുന്ന വികസന കാഴ്ചപ്പാടുകളാണ് പാർട്ടിയിലേക്ക് ആകർഷിച്ചതെന്നും അദ്ദേഹം വ്യക്തമാക്കി.
കഴിഞ്ഞ കുറേ നാളുകളായി സിപിഎം കേരളത്തിൽ വർഗീയ വിഭജനത്തിന് വഴിയൊരുക്കുന്ന തരത്തിലുള്ള ആശയവ്യതിയാനം നടത്തുന്നുവെന്നും, ഇത് തന്നെ ഏറെ ദുഃഖിപ്പിച്ചുവെന്നും റെജി ലൂക്കോസ് കൂട്ടിച്ചേർത്തു.
English Summary
Following the defection of left-leaning commentator Regi Loukos to the BJP, Palakkad MLA Rahul Mamkootathil responded with sarcasm on social media, saying it was like jumping into the middle of the sea without a life jacket. Regi Loukos joined the BJP ahead of the upcoming Kerala Assembly elections, stating that outdated ideologies have lost relevance and that the BJP’s development-focused vision attracted him. He also criticised the CPM for promoting divisive politics in Kerala.
regi-loukos-joins-bjp-rahul-mamkootathil-reacts
regi loukos, bjp kerala, rahul mamkootathil, kerala politics, party defection, assembly elections, cpm reaction
