റഫ്രിജറേറ്റർ പൊട്ടിത്തെറിച്ച് അടുക്കളയ്ക്ക് തീപിടിച്ചു

റഫ്രിജറേറ്റർ പൊട്ടിത്തെറിച്ച് അടുക്കളയ്ക്ക് തീപിടിച്ചു

തിരുവനന്തപുരം: റഫ്രിജറേറ്റർ പൊട്ടിത്തെറിച്ച് അടുക്കളയ്ക്ക് തീപിടിച്ചു. തിരുവനന്തപുരം കാര്യവട്ടത്ത് ആണ് അപകടമുണ്ടായത്.

കാര്യവട്ടം ക്യാമ്പസിലെ വിദ്യാർഥികൾ താമസിക്കുന്ന വീട്ടിലെ റഫ്രിജറേറ്റർ ആണ് പൊട്ടിത്തെറിച്ചത്.

പൊട്ടിത്തെറിയെ തുടർന്ന് ഉണ്ടായ തീപിടുത്തത്തിൽ അടുക്കള പൂർണമായും കത്തി നശിച്ചു. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നി​ഗമനം. ഫയർഫോഴ്സ് എത്തിയാണ് തീ അണച്ചത്.

ഫ്രിഡ്ജ് പൊട്ടിത്തെറിക്ക് കാരണമാകുന്ന ഘടകങ്ങൾ

നിലവിലെ ജീവിത സാഹചര്യങ്ങൾക്ക് അനുസരിച്ച് അടുക്കളയിൽ ഒഴിച്ച് കൂടാനാകാത്ത ഇലക്ട്രോണിക് ഉപകരണമാണ് ഫ്രിഡ്ജ്. ഭക്ഷണം സംരക്ഷിക്കുകയും അതിന്റെ ഉപയോഗപ്രാപ്തി കൂട്ടുകയും ചെയ്യുന്ന ഫ്രിഡ്ജ്, ഭക്ഷ്യസുരക്ഷയുടെ കാര്യത്തിലും വളരെ പ്രധാനമാണ്.

എന്നാൽ, അനുചിതമായ ഉപയോഗം ഫ്രിഡ്ജ് പൊട്ടിത്തെറി പോലുള്ള അപകടങ്ങൾക്കും കാരണമാകും.

ഇങ്ങനെയുണ്ടാകുന്ന അപകടങ്ങൾ ഗുരുതരമായ പരിക്കുകൾക്കും മരണത്തിനും ഇടയാക്കിയ സന്ദർഭങ്ങൾ ഉണ്ടായിട്ടുണ്ട്.

അഗ്നിബാധ, വൈദ്യുതി ഷോർട്ട് സർക്യൂട്ട്, വിഷവാതകം പുറത്തുവരൽ എന്നിവയാണ് ഫ്രിഡ്ജ് പൊട്ടിത്തെറിയിൽ നിന്ന് ഉണ്ടാകുന്ന പ്രധാന അപകടങ്ങൾ. ഫ്രിഡ്ജ് പൊട്ടിത്തെറിക്ക് കാരണമാകുന്ന ഘടകങ്ങൾ എന്തൊക്കെയെന്ന് നോക്കാം.

വൈദ്യുതി ഷോർട്ട് സർക്യൂട്ട്: ഫ്രിഡ്ജിലെ വൈദ്യുത ഘടകങ്ങൾ തകരാറിലാകുന്നത് ഷോർട്ട് സർക്യൂട്ടിനും തുടർന്ന് തീപിടുത്തത്തിനും കാരണമാകും.

പഴകിയ ഫ്രിഡ്ജുകൾ: ചില കാലപ്പഴക്കം ചെന്ന ഫ്രിഡ്ജുകൾക്ക് വൈദ്യുതി പ്രശ്നങ്ങൾ ഉണ്ടാകാനുള്ള സാധ്യത കൂടുതലാണ്.

അമിതമായ ഉപയോഗം: ഫ്രിഡ്ജിനെ അമിതമായി ഉപയോഗിക്കുന്നത് ഘടകങ്ങൾക്ക് ക്ഷയം വരുത്തും.

മറക്കരുത്, മറന്നും വെക്കരുത്, നാളെ മുതൽ കുട വേണം; മഴമുന്നറിയിപ്പ് ഇങ്ങനെ

അനുചിതമായ സ്ഥാപനം: ഫ്രിഡ്ജ് ശരിയായി സ്ഥാപിക്കാത്തത് തകരാറുകൾക്ക് കാരണമാകും.

വെള്ളം കയറൽ: ഫ്രിഡ്ജിനുള്ളിൽ വെള്ളം കയറുന്നത് വൈദ്യുതി ഷോർട്ട് സർക്യൂട്ടിന് കാരണമാകും.

സുരക്ഷാ നടപടികൾ:

വൈദ്യുതി കണക്ഷനുകൾ പരിശോധിക്കുക.

ഓവർലോഡ് ചെയ്യാതിരിക്കുക.

ഫ്രിഡ്ജിന് ചുറ്റും വായു സഞ്ചാരം ഉറപ്പാക്കുക.

വെള്ളം കയറാതിരിക്കാൻ ശ്രദ്ധിക്കുക.

ഫ്രിഡ്ജ് തീപിടുത്തത്തിന് കാരണമാകുന്ന ഘടകങ്ങൾ ഒഴിവാക്കാൻ ശ്രമിക്കുക.

ഫ്രിഡ്ജ് തീപിടിച്ചാൽ ചെയ്യേണ്ടത്:

വൈദ്യുതി വിതരണം തടയുക.

അഗ്നിശമന സേനയെ വിളിക്കുക.

വീട്ടിലുള്ളവരെ സുരക്ഷിതമായ സ്ഥലത്തേക്ക് മാറ്റുക.

തീ പടരുന്നത് തടയാൻ ശ്രമിക്കുക.

ഫ്രിഡ്ജ് സുരക്ഷ അഗ്നിബാധയും മറ്റ് അപകടങ്ങളും ഒഴിവാക്കാൻ സഹായിക്കും. സുരക്ഷാ നടപടികൾ പാലിക്കുന്നതു വഴി ഫ്രിഡ്ജിന്റെ ആയുസ്സ് വർദ്ധിപ്പിക്കുകയും അതിന്റെ പ്രവർത്തനക്ഷമത ഉറപ്പാക്കുകയും ചെയ്യാം.

ഇക്കാര്യങ്ങൾ കൂടി ശ്രദ്ധിക്കുക

ഫ്രിഡ്ജിലെ താപനില അഞ്ച് ഡിഗ്രി സെല്‍ഷ്യസില്‍ താഴെയായി സൂക്ഷിക്കണം, ഫ്രീസറിലേത് പൂജ്യം ഡിഗ്രിയിലും സൂക്ഷിക്കണം

വെള്ളവും മറ്റും ഫ്രിഡ്ജില്‍ വെക്കുമ്പോള്‍ ചില്ലുപാത്രത്തില്‍ വെക്കുക. കുപ്പി വെള്ളം വാങ്ങുന്ന കുപ്പിയില്‍ ഒരിക്കലും വെക്കരുത്. അവ ഒറ്റത്തവണ ഉപയോഗത്തിനുള്ളതാണ് എന്ന് ഓർമിക്കുക.

ഫ്രിഡ്ജ് കൂടെക്കൂടെ തുറക്കരുത്. അത് വൈദ്യുതി പാഴാക്കുമെന്ന് മാത്രമല്ല, ധാരാളം ബാക്ടീരിയകള്‍ ഉള്ളില്‍ കടക്കാനും ഇടയാകും.

ഉള്ളില്‍ വേണ്ടത്ര തണുപ്പില്ലെങ്കില്‍ ബാക്ടീരിയകള്‍ പെരുകി ഭക്ഷ്യവിഷബാധക്ക് കാരണമാകും.

കൂടെക്കൂടെ കറന്‍റ് പോവുകയും കൂടെക്കൂടെ തുറക്കുകയും ചെയ്യുമ്പോള്‍ അതിനുള്ള സാധ്യത കൂടും. കറന്‍റില്ലാത്ത സമയങ്ങളില്‍ ഫ്രിഡ്ജ് തുറക്കുന്നത് പരമാവധി കുറക്കുക.

വേവിച്ചതും വേവിക്കാത്തതും പ്രത്യേകം അടച്ച് സൂക്ഷിക്കുക. വേവിക്കാത്ത ഇറച്ചി, മീന്‍ എന്നിവയില്‍ ധാരാളം സൂക്ഷ്മാണുക്കളുണ്ടാവും.

അവ പ്രത്യേകം പൊതിഞ്ഞ് സൂക്ഷിച്ചില്ലെങ്കില്‍ അണുക്കള്‍ മറ്റു ഭക്ഷ്യവസ്തുക്കളിലേക്ക് കടക്കാന്‍ ഇടയാകും.

വേവിക്കാതെ ഉപയോഗിക്കുന്നവ, റെഡി ടു ഈറ്റ് ഭക്ഷ്യവസ്തുക്കള്‍, പഴങ്ങള്‍, ജാമുകള്‍, സോസുകള്‍ എന്നിവയൊക്കെ ഫ്രിഡ്ജിലെ മുകള്‍ ഭാഗത്തോ വാതിലിലോ സൂക്ഷിക്കുന്നതാണ് നല്ലത്.

വേവിച്ച് ഉപയോഗിക്കുന്ന ഇറച്ചി, മീന്‍, മാവുകള്‍ തുടങ്ങിയവയൊക്കെ ഫ്രിഡ്ജില്‍ സൂക്ഷിക്കേണ്ടി വരുമ്പോള്‍ അവ താഴെയുള്ള റാക്കുകളില്‍ വെക്കുക.

Summary: A refrigerator explosion caused a fire in the kitchen of a house in Karyavattom, Thiruvananthapuram.