‘വാ വിട്ട വാക്കും കൈവിട്ട ആയുധവും തിരിച്ചെടുക്കാൻ കഴിയില്ലെ’ന്ന് പഴമക്കാർ പറയാറുണ്ട്. നമ്മൾ മറ്റൊരാളോട് സംസാരിക്കാൻ ഉദ്ദേശിച്ച കാര്യത്തിന് പകരം മറ്റൊന്ന് കയറിവന്നു പണി കിട്ടുന്ന സന്ദർഭങ്ങൾ നിരവധിയാണല്ലേ. അതുവഴി ഗുരുതര പ്രശ്നങ്ങൾ നേരിട്ടവരുമുണ്ട്. ഇതെന്തുകൊണ്ടാണ് സംഭവിക്കുന്നതെന്ന് എപ്പോഴെങ്കിലും ചിന്തിച്ചിട്ടുണ്ടോ?(Reasons of Freudian slip)
Parapraxis, Freudian slip എന്നീ പേരുകളിലാണ് ഈ നാക്കുപിഴ അറിയപ്പെടുന്നത്. നമ്മുടെ ആശയവിനിമയത്തിലോ ഓർമശക്തിയിലോ സംഭവിക്കുന്ന ഒരു പിശക് മൂലമാണ് ഇത് സംഭവിക്കുന്നത്. മനഃശാസ്ത്ര പ്രതിഭ സിഗ്മണ്ട് ഫ്രോയിഡിന്റെ അഭിപ്രായത്തിൽ, സ്ലിപ് ഓഫ് ടംഗ് (നാക്കുപിഴ) ആയി പുറത്തുവരുന്നത് നമ്മുടെ ഉള്ളിൽ അടക്കിപ്പിടിച്ച ആഗ്രഹങ്ങളാണെന്നാണ്. ‘ഒരാൾ ഒരേ കാര്യത്തെപ്പറ്റി എപ്പോഴും ചിന്തിച്ചിരുന്നാൽ മനസ്സ് അതിന്മേൽ കൊരുത്തു കിടക്കും. എന്തെങ്കിലും സാഹചര്യം ഇതിനെ ഉദ്ദീപിപ്പിച്ചാൽ നാക്കുപിഴയായി അക്കാര്യം പുറത്തുവരാൻ സാധ്യതയുണ്ട്’ -ഷിൻജിനി ദെബ് പറയുന്നു. ഉപബോധ മനസ്സിലെ അഭിലാഷങ്ങൾ, ഉറക്കക്കുറവോ അശ്രദ്ധമായിക്കിടക്കുന്ന മനസ്സോ എന്നിങ്ങനെ കാരണങ്ങളാൽ ഇതു സംഭവിച്ചേക്കാം.
നമ്മുടെ ബോധമനസ്സിന്റെയും ഉപബോധമനസ്സിന്റെയും പരസ്പര സംഘർഷമാണ് പലപ്പോഴും നാക്കുപിഴയ്ക്ക് കാരണം. ഒരു വിവരത്തിന്റെ (ചിന്തയുടെ) കണിക മറ്റേതിനെ ഓവർടേക്ക് ചെയ്യുന്നു. അപ്പോൾ നാമുദ്ദേശിക്കാത്തത് ഭാഷയിലൂടെ പുറത്തുവരുന്നു. ഇങ്ങനെ പുറത്തുവരുന്ന ചിന്ത നമ്മുടെ വിവേകത്തിന്റെയോ ഔചിത്യത്തിന്റെയോ സ്ഥലകാല ബോധത്തിന്റെയോ പിടി വിട്ട് പുറത്തേക്ക് ചാടും. കുറച്ചും കൂടെ സിമ്പിൾ ആയി പറഞ്ഞാൽ നിങ്ങൾക്ക് നിങ്ങളുടെ മനസ്സിന്റെയോ പ്രവൃത്തിയുടെയോ വാക്കുകളുടേയോ നിയന്ത്രണം നഷ്ടപ്പെടുന്നു എന്ന് ചുരുക്കം.
Read Also: മാടവന ബസ് അപകടം; ബസ് ഡ്രൈവറുടെ ലൈസൻസ് റദ്ദാക്കാൻ റിപ്പോർട്ട് നൽകും
