എൽ.പി. സ്കൂളിലെ കുട്ടികളുടെ യൂട്യൂബ് വാർത്താ ചാനൽ സൂപ്പർ ഹിറ്റാണ്
കോട്ടയം: കാർട്ടൂണുകളും ഗെയിമുകളും കൊണ്ട് സമയം പാഴാക്കിവന്നിരുന്ന കുട്ടികൾ ഇന്ന് വാർത്തകളുടെ ലോകത്ത് തങ്ങളുടെ കഴിവ് തെളിയിക്കുന്നു.
രാമപുരം സേക്രഡ് ഹാർട്ട് എൽ.പി. സ്കൂളിലെ നാലാം ക്ലാസുകാരാണ് ഇപ്പോൾ ‘വാർത്ത’യെ ബാലപാഠമാക്കിയിരിക്കുന്നത്.
‘സ്കൂൾ ഹെഡ്ലൈൻ’ എന്ന പേരിൽ മൈക്കിലൂടെ വാർത്ത വായിച്ചാണ് തുടക്കം. ഈ വർഷം അത് ഒരു യൂട്യൂബ് വാർത്താ ചാനലായി മാറി — “SH LP News”.
തിങ്കൾ മുതൽ വെള്ളിവരെ സ്കൂളിൽ നടക്കുന്ന കാര്യങ്ങളിൽ നിന്ന് ആറ് വാർത്തകൾ തെരഞ്ഞെടുത്ത് വെള്ളിയാഴ്ച വൈകിട്ട് ഷൂട്ട് ചെയ്യുന്നു.
ശനിയാഴ്ചയാണ് സംപ്രേഷണം. അദ്ധ്യാപകൻ ജോയലും കുട്ടികളും ചേർന്ന് മൊബൈൽ ഫോൺ ഉപയോഗിച്ചാണ് ചിത്രീകരണം.
നാലാം ക്ലാസിലെ രണ്ട് ഡിവിഷനുകളിലായി പഠിക്കുന്ന ഗൗരി ഹരീഷ്, നിവേദ്യ രഞ്ജിത്, ജെറി അമൽ എന്നിവരുള്പ്പെടെ 44 വിദ്യാർത്ഥികൾക്കാണ് ഈ സംരംഭം ആവേശം നല്കിയത്.
ഓരോ ആഴ്ചയും വ്യത്യസ്ത അവതാരകരും റിപ്പോർട്ടർമാരുമാണ് പ്രവർത്തിക്കുന്നത്. പ്രോംപ്റ്റർ ഇല്ലാത്തതിനാൽ വാർത്തകൾ കണ്ടുപഠിച്ചാണ് അവതരിപ്പിക്കുന്നത്.
വോയ്സ് ഓവർ, എഡിറ്റിംഗ് എന്നിവയും കുട്ടികൾതന്നെ ചെയ്യുന്നു. പ്രാദേശിക ലേഖകൻ ഹരീഷ് ആദ്യകാലം മുതൽ സഹായിയായി.
വാർത്ത നൽകുന്ന ‘ഇംപാക്ട്’
സ്കൂളിനു മുന്നിലുള്ള ഓട നിറഞ്ഞ് വെള്ളക്കെട്ടുണ്ടായ പ്രശ്നത്തെക്കുറിച്ച് കുട്ടികൾ വാർത്ത പ്രസിദ്ധീകരിച്ചതിനെ തുടർന്ന് പഞ്ചായത്ത് നടപടി സ്വീകരിച്ചു.
16 മിനിറ്റോളം നീളുന്ന വാർത്താ പാഠത്തിൽ വിദ്യാർത്ഥികളുടെ പിറന്നാൾ ആഘോഷങ്ങളുടെ വീഡിയോയും ഉൾപ്പെടും. ഇപ്പോൾ ചാനലിന് മോണിറ്റൈസേഷനും ലഭിച്ചിട്ടുണ്ട്.
“ചാനൽ ആരംഭിച്ചതിന് ശേഷം കുട്ടികൾ കൂടുതൽ ഗൗരവത്തോടെ വാർത്തകളെ സമീപിക്കുന്നു. പത്രവായന ശീലം പെരുകിയിട്ടുണ്ട്.” — സിസ്റ്റർ ലിസ മാത്യു, ഹെഡ്മിസ്ട്രസ്
English Summary:
Students of Class 4 at Sacred Heart LP School, Ramapuram, have launched their own YouTube news channel “SH LP News.” What began as reading news over a school mic has now evolved into a weekly video news bulletin. Students shoot the news on Fridays using a mobile phone and publish it on Saturdays. They serve as anchors, reporters, voice-over artists, and editors—learning everything without a teleprompter. A recent news report by the children even prompted the local panchayat to fix a waterlogging issue near the school. The channel is now monetized, and teachers say it has helped students develop news awareness and a newspaper-reading habit.
ramapuram-lp-school-students-youtube-news-channel
Kottayam, School News Channel, Students Journalism, SH LP News, Kerala, Education, YouTube, Child Reporters
