വയനാട്: വയനാട് ഉപതിരഞ്ഞെടുപ്പ് പ്രചാരണത്തിന് അണികൾക്ക് ആവേശം പകരാൻ രാഹുൽ ഗാന്ധിയും പ്രിയങ്ക ഗാന്ധിയും നാളെ വയനാട്ടിലെത്തും. നാല് ദിവസത്തോളം നീണ്ടുനിൽക്കുന്ന പ്രചാരണപരിപാടികളാണ് മണ്ഡലത്തിൽ ഒരുക്കുന്നത്. മലപ്പുറം അരീക്കോട്ടെ പൊതുയോഗത്തിലും രാഹുൽ പങ്കെടുക്കും.(Rahul Gandhi and Priyanka gandhi will reach at Wayanad tomorrow for election campaign)
നാളെ രാവിലെ 11 മണിക്ക് മാനന്തവാടി ഗാന്ധി പാർക്കിലെ പൊതുയോഗമാണ് ഇരുവരും പങ്കെടുക്കുന്ന ആദ്യ പരിപാടി. തുടർന്ന് ഉച്ചയ്ക്ക് മൂന്ന് മണിയോടെ രാഹുൽ മലപ്പുറം അരീക്കോട്ടെ പൊതുയോഗത്തിൽ പങ്കെടുക്കും. നാളെ ഉച്ചയ്ക്ക് ഒരുമണിക്ക് വാളാട്, 2.30ക്ക് കോറോത്ത്,4.45ന് കല്പറ്റ എന്നിവിടങ്ങളിലെ യോഗങ്ങളിൽ പങ്കെടുക്കും.
തെരഞ്ഞെടുപ്പിനോടനുബന്ധിച്ച് ഒക്ടോബർ 28നാണ് പ്രിയങ്ക മുൻപ് മണ്ഡലത്തിലെത്തിയത്.
