ഖത്തറില് സര്ക്കാര് സ്ഥാപനങ്ങള്ക്ക് മാര്ച്ച് 17 മുതല് പെരുന്നാള് അവധി
ദോഹ: ഖത്തറില് ഈ വര്ഷത്തെ ചെറിയ പെരുന്നാള് (ഈദ് അല് ഫിത്തര്) പ്രമാണിച്ച് പൊതുമേഖലാ സ്ഥാപനങ്ങള്ക്കുള്ള അവധി ദിനങ്ങള് പ്രഖ്യാപിച്ചു. അമീരി ദിവാന് പുറത്തിറക്കിയ അറിയിപ്പിലാണ് അവധി സംബന്ധിച്ച വിവരങ്ങള് വ്യക്തമാക്കിയിരിക്കുന്നത്.
മാര്ച്ച് 17 മുതല് അവധി ആരംഭിക്കും
അറിയിപ്പുപ്രകാരം മാര്ച്ച് 17 ചൊവ്വാഴ്ച മുതല് മാര്ച്ച് 23 തിങ്കളാഴ്ച വരെ സര്ക്കാര് സ്ഥാപനങ്ങള്ക്ക് അവധി ആയിരിക്കും. മന്ത്രാലയങ്ങള്, മറ്റ് സര്ക്കാര് സ്ഥാപനങ്ങള്, പൊതു അതോറിറ്റികള് തുടങ്ങിയവയ്ക്കെല്ലാം ഈ അവധി ബാധകമാണ്.
നെതന്യാഹുവിനെ വധിക്കുമെന്ന് ഇറാൻ; ട്രംപിന്റെ വാദങ്ങൾ തള്ളി പരമോന്നത നേതാവ്
മാര്ച്ച് 24 മുതല് ഓഫീസുകള് തുറക്കും
അവധി അവസാനിച്ചതിന് ശേഷം ജീവനക്കാര് മാര്ച്ച് 24 ചൊവ്വാഴ്ച മുതല് വീണ്ടും ജോലിയില് പ്രവേശിക്കേണ്ടതാണ്.
സാമ്പത്തിക സ്ഥാപനങ്ങളുടെ അവധി പിന്നീട് പ്രഖ്യാപിക്കും
ഖത്തര് സെന്ട്രല് ബാങ്ക്, മറ്റ് സാമ്പത്തിക സ്ഥാപനങ്ങള്, ഖത്തര് ഫിനാന്ഷ്യല് മാര്ക്കറ്റ്സ് അതോറിറ്റിയുടെ കീഴിലുള്ള സ്ഥാപനങ്ങള് എന്നിവയുടെ അവധി ദിനങ്ങള് പിന്നീട് സെന്ട്രല് ബാങ്ക് ഗവര്ണര് പ്രത്യേകം പ്രഖ്യാപിക്കുമെന്ന് അറിയിച്ചിട്ടുണ്ട്.
English Summary:
Qatar has announced the Eid Al Fitr holidays for public sector institutions from March 17 to March 23. The break applies to ministries, government departments, and public authorities. Employees will resume work on March 24. Holiday dates for financial institutions will be announced separately by the Qatar Central Bank Governor.
