പത്തനംതിട്ട: പത്തനംതിട്ട കൊടുമണ്ണിൽ ആളൊഴിഞ്ഞ ഷെഡ്ഡിൽ താമസമാക്കി പെരുമ്പാമ്പുകളും, കുഞ്ഞുങ്ങളും. രണ്ട് വലിയ പെരുമ്പാമ്പുകളും, പത്തോളം കുഞ്ഞുങ്ങളും, മുട്ടകളുമാണ് ഷെഡ്ഡിൽനിന്നും കണ്ടെത്തിയിരിക്കുന്നത്.
ഒരു വയോധികയായിരുന്നു പണ്ട് ഈ ഷെഡ്ഡിൽ താമസിച്ചിരുന്നത്. ഏകദേശം ഒരു മാസം മുമ്പാണ് ഇവർ മരണപ്പെട്ടത്. ആൾതാമസമില്ലാതായതോടെ പൂർണമായും തകർന്ന നിലയിലായിരുന്നു ഷെഡ്ഡ്.
നാട്ടുകാരിൽ ചിലരാണ് പാമ്പിനെയും, കുഞ്ഞുങ്ങളെയും ആദ്യം കണ്ടത്. തുടർന്ന് ഈ വിവരം പോലീസിനെ അറിയിക്കുകയായിരുന്നു.
വിവരം ലഭിച്ചയുടൻ തന്നെ പോലീസ് കോന്നി വനംവകുപ്പിനെ ബന്ധപ്പെടുകയും ചെയ്തു. ശേഷം വനം വകുപ്പ് ഉദ്യോഗസ്ഥരെത്തിയാണ് പാമ്പിനെയും, കുഞ്ഞുങ്ങളേയും പിടികൂടിയത്.
പൂർണമായും തകർന്ന ഷെഡിൻ്റെ അടിയിലായാണ് ഇവയെ കണ്ടെത്തിയതെന്ന് നാട്ടുകാ‍ർ പറഞ്ഞു.
എന്തൊരു പോക്കാണിത്? വീണ്ടും സർവ്വകാല റെക്കോർഡിലെത്തി സ്വർണ്ണവില; ആഭരണപ്രേമികൾ ആശങ്കയിൽ
തിരുവനന്തപുരം: സംസ്ഥാനത്ത് വീണ്ടും സർവ്വകാല റെക്കോർഡിലെത്തി സ്വർണവില. ഒരു പവൻ സ്വർണത്തിന് 840 രൂപയുടെ വർധനവാണ് ഇന്ന് രേഖപ്പെടുത്തിയിരിക്കുന്നത്. ഇതോടെ വീണ്ടും സ്വർണവില 66000 കടന്നു.
ഇന്നത്തെ വർധനവിന് ശേഷം ഒരു പവൻ സ്വർണത്തിന്റെ വിപണിവില 66720 രൂപയായി. തുടർച്ചയായ മൂന്നാം ദിവസമാണ് സ്വർണവില ഉയരുന്നത്.
ഇന്നത്തെ വിപണി വിലയനുസരിച്ച് ഏറ്റവും കുറഞ്ഞ പണിക്കൂലിയിൽ ഒരു പവൻ വാങ്ങണമെങ്കിൽ 72400 രൂപയോളം നൽകേണ്ടിവരും.
