റോഡരികിൽ പാർക്ക് ചെയ്തിരുന്ന സ്വകാര്യ ബസ് താഴ്ചയിലേക്ക് മറിഞ്ഞു

റോഡരികിൽ പാർക്ക് ചെയ്തിരുന്ന സ്വകാര്യ ബസ് താഴ്ചയിലേക്ക് മറിഞ്ഞു

പൂമാല: ഇടുക്കി ജില്ലയിലെ പൂമാലയിൽ റോഡരികിൽ പാർക്ക് ചെയ്തിരുന്ന സ്വകാര്യ ബസ് നിയന്ത്രണം വിട്ട് താഴ്ചയിലേക്ക് മറിഞ്ഞു. പൂമാല–തൊടുപുഴ റൂട്ടിൽ സർവീസ് നടത്തുന്ന ‘മരിയ’ ബസാണ് അപകടത്തിൽപ്പെട്ടത്.

ഇന്ന് പുലർച്ചെയാണ് ബസ് കൊക്കയിലേക്ക് മറിഞ്ഞുകിടക്കുന്ന നിലയിൽ നാട്ടുകാർ കണ്ടെത്തിയത്. രാത്രി സർവീസ് കഴിഞ്ഞ് റോഡരികിൽ നിർത്തിയിട്ടിരുന്ന വാഹനമാണ് അപകടത്തിൽപ്പെട്ടത്.

രാവിലെ ആദ്യ സർവീസിനായി ബസിന്റെ എയർ പ്രഷർ കെട്ടുന്നതിനായി ഡ്രൈവർ വാഹനം സ്റ്റാർട്ട് ചെയ്ത ശേഷം, എന്തോ ആവശ്യത്തിനായി പുറത്തിറങ്ങി പോയ സമയത്താണ് ബസ് മുന്നോട്ടു നീങ്ങി താഴ്ചയിലേക്ക് മറിഞ്ഞതെന്നാണ് ലഭ്യമായ പ്രാഥമിക വിവരം.

അപകടസമയത്ത് ബസിനുള്ളിൽ ഡ്രൈവറോ യാത്രക്കാരോ ഇല്ലാതിരുന്നതിനാൽ വലിയൊരു ദുരന്തം ഒഴിവായി.

താഴ്ചയിലേക്ക് മറിഞ്ഞ ബസ് ആദിവാസി ക്ഷേമ വകുപ്പിൻ്റെ കീഴിൽ പ്രവർത്തിക്കുന്ന ഹോസ്റ്റൽ കെട്ടിടത്തിന്റെ വരാന്ത/ഷെഡിന് മുകളിലേക്ക് ചാഞ്ഞ നിലയിലാണ് തങ്ങി നിൽക്കുന്നത്.

ബസിന്റെ മുൻഭാഗം താഴേക്ക് പതിച്ച നിലയിലും പിന്നിലത്തെ ഭാഗം റോഡരികിൽ മുകളിലായി തങ്ങി നിൽക്കുന്ന നിലയിലുമാണ് കണ്ടെത്തിയത്. അപകടത്തിൽ ഹോസ്റ്റൽ കെട്ടിടത്തിന്റെ മുൻവശത്തും മേൽക്കൂര ഭാഗത്തും കേടുപാടുകൾ സംഭവിച്ചിട്ടുണ്ട്.

ഹാൻഡ് ബ്രേക്ക് പ്രവർത്തനത്തിൽ ഉണ്ടായ തകരാറോ, റോഡരികിലെ മണ്ണിടിച്ചിലോ അപകടകാരണമാകാമെന്നതാണ് പ്രാഥമിക നിഗമനം. ബസ് പൂർണ്ണമായും തകർന്ന നിലയിലാണ്. ക്രെയിൻ ഉപയോഗിച്ച് ബസ് ഉയർത്താനുള്ള ശ്രമങ്ങൾ ആരംഭിച്ചിട്ടുണ്ട്.

English Summary

A private bus operating on the Poomala–Thodupuzha route in Idukki district rolled down into a gorge after losing control. The incident occurred early morning while the bus was parked after completing its night service. As there were no passengers or staff inside, a major tragedy was narrowly avoided. A handbrake failure or soil erosion is suspected as the cause.

poomala-private-bus-accident-idukki-avoided-major-tragedy

Poomala, Idukki, Thodupuzha, bus accident, Kerala news, road safety, private bus, near miss, local news