സ്ഥാനാർത്ഥികൾക്കൊപ്പം തിരക്കിലാണ് പൊളിറ്റിക്കൽ സൈക്കോളജിസ്റ്റ് അഡ്വ. അവനീഷ് കോയിക്കര
കൊച്ചി ∙ തെരഞ്ഞെടുപ്പ് ചൂടുപിടിക്കുമ്പോൾ സ്ഥാനാർത്ഥികളും മുന്നണികളും വോട്ടർമാരുടെ പിന്തുണ ഉറപ്പിക്കാൻ തിരക്കിലാകുമ്പോഴാണ് വോട്ടറുടെ മനസ്സിലേക്ക് കടന്നുചെന്ന് ആശയവിനിമയം ശക്തമാക്കാനുള്ള ഉപദേശങ്ങൾക്ക് പൊളിറ്റിക്കൽ സൈക്കോളജിസ്റ്റ് അഡ്വ. അവനീഷ് കോയിക്കരയ്ക്കുള്ള ആവശ്യം വർധിക്കുന്നത്.
തിരഞ്ഞെടുപ്പിന് ഇറങ്ങുന്നവർക്കായി ‘വിജയത്തിന്റെ മനഃശാസ്ത്രം’ പകർന്നുനൽകുകയാണ് കൊച്ചിയിൽ നിന്നുള്ള ഈ രാഷ്ട്രീയ-മനഃശാസ്ത്ര വിദഗ്ധൻ.
ദേശീയ തലത്തിൽ പ്രശാന്ത് കിഷോറും സുനിൽ കനഗോലുവും പോലുള്ളവർ തിരഞ്ഞെടുപ്പ് തന്ത്രങ്ങൾ രൂപപ്പെടുത്തുമ്പോൾ, കേരളത്തിന്റെ രാഷ്ട്രീയ-സാമൂഹിക പശ്ചാത്തലം മനസ്സിലാക്കി സ്ഥാനാർത്ഥികളെ തയ്യാറാക്കുകയാണ് അവനീഷ്.
ജനങ്ങൾക്കിടയിൽ ഒരു രാഷ്ട്രീയ നേതാവ് എങ്ങനെ പെരുമാറണം, വോട്ടർമാരുടെ മനശാസ്ത്രം എങ്ങനെ വായിക്കാം, പ്രസംഗങ്ങളെ എങ്ങനെ കൂടുതൽ പ്രഭാവശാലിയായി മാറ്റാം, വോട്ടഭ്യർത്ഥനയിൽ ശ്രദ്ധിക്കേണ്ട സൂക്ഷ്മതകൾ എന്തെല്ലാം—ഇതെല്ലാം ഉൾപ്പെടുന്ന സമഗ്രമായ ട്രെയിനിംഗാണ് അദ്ദേഹം നൽകുന്നത്.
‘പൊളിടിക്കൽ മാസ്റ്ററി’ എന്ന പേരിൽ സൂം പ്ലാറ്റ്ഫോമിലൂടെ നടത്തുന്ന ഈ പരിശീലനം ഇതിനകം തന്നെ വിവിധ രാഷ്ട്രീയപാർട്ടികളിൽ നിന്നുള്ള 2300-ത്തിലധികം പേരെ ഉൾക്കൊണ്ടിട്ടുണ്ട്.
കോൺഗ്രസിന്റെ മുൻ വിദ്യാർത്ഥി നേതാവായിരുന്ന അവനീഷ്, 2019-ലെ ലോക്സഭാ തിരഞ്ഞെടുപ്പിൽ ശശി തരൂരിന്റെ നിർദ്ദേശപ്രകാരം കേരളത്തിലെ പാർട്ടിയുടെ വാട്സാപ്പ് പ്രചാരണത്തിന് നേതൃത്വം വഹിച്ചിരുന്നു.
ആ അനുഭവം തന്നെയാണ് ആധുനിക തെരഞ്ഞെടുപ്പ് പരിശീലനമായി വളർന്നത്. വോട്ടേഴ്സ് റൈറ്റ്സ് ഫൗണ്ടേഷന്റെ കീഴിലുള്ള ഈ സൗജന്യ പരിപാടിയുടെ മുഖ്യലക്ഷ്യം — മികച്ച രാഷ്ട്രീയ പ്രവർത്തകരെ ജനപ്രതിനിധികളാക്കി വളർത്തുക.
സുപ്രീം കോടതിയിലും ഹൈക്കോടതിയിലും അഭിഭാഷകനായ അവർ, സൈക്കോലീഗൽ കൺസൾട്ടന്റ്, ഓർഗനൈസേഷണൽ സൈക്കോളജിസ്റ്റ്, മാസ്റ്റർ മൈൻഡ് ട്രെയ്നർ എന്നിങ്ങനെ വിവിധ മേഖലകളിലും സജീവമാണ്.
നിയമത്തിൽ ബിരുദവും സൈക്കോളജി, മാനേജ്മെന്റ്, ജേണലിസം വിഷയങ്ങളിൽ ബിരുദാനന്തര ബിരുദവുമുള്ള അഡ്വ. അവനീഷ്, നിലവിൽ രാജസ്ഥാനിലെ ശ്രീധർ സർവകലാശാലയിൽ ‘തൊഴിലിട ആത്മീയത’ എന്ന വിഷയത്തിൽ പിഎച്ച്ഡി ഗവേഷണം നടത്തുന്നുമുണ്ട്.
English Summary
As election campaigns intensify, political psychologist Adv. Avaneesh Koyikkara from Kochi is in high demand for helping candidates understand voter psychology and refine their communication strategies. Through an online program titled Political Mastery, he trains aspiring leaders on public behaviour, persuasive speech, and micro-strategies in voter engagement.
