ഫോണിൽ ഒറ്റ ക്ലിക്കിൽ തട്ടിപ്പ്? വ്യാജ ആപ്പുകൾ തിരിച്ചറിയാൻ പൊലീസ് പുതിയ മുന്നറിയിപ്പ്

തിരുവനന്തപുരം: തിരുവനന്തപുരത്ത് സൈബർ തട്ടിപ്പുകൾ കുത്തനെ ഉയരുന്ന സാഹചര്യത്തിൽ, മൊബൈൽ ഫോണുകളിൽ പുതിയ ആപ്പുകൾ ഇൻസ്റ്റാൾ ചെയ്യുമ്പോൾ ഉപയോക്താക്കൾ അതീവ ജാഗ്രത പാലിക്കണമെന്ന് പൊലീസ് മുന്നറിയിപ്പ് നൽകി.

വ്യാജ ആപ്പുകൾ ഉപയോഗിച്ച് വ്യക്തിഗത വിവരങ്ങളും സാമ്പത്തിക വിവരങ്ങളും മോഷ്ടിക്കുന്ന കേസുകൾ വർധിച്ചതോടെയാണ് പൊലീസ് ഈ നിർദ്ദേശങ്ങളുമായി രംഗത്തെത്തിയത്.

ഡെവലപ്പർ നെയിം പരിശോധിക്കുക: തട്ടിപ്പുകാർ ഉപയോഗിക്കുന്ന മുഖംമൂടി

പ്ലേ സ്റ്റോർ അല്ലെങ്കിൽ ആപ്പ് സ്റ്റോറിൽ ലഭ്യമായ ആപ്പുകളുടെ ഡെവലപ്പർ നെയിം പ്രധാനമായി പരിശോധിക്കണമെന്ന് പൊലീസ് വ്യക്തമാക്കി.

പ്രശസ്തമായ കമ്പനികൾക്കും ഡെവലപ്പർമാർക്കും വ്യാജരൂപത്തിൽ ഉപയോഗിക്കുന്ന സമാന പേരുകൾക്ക് പിന്നിൽ തട്ടിപ്പുകാരാണ് പലപ്പോഴും.

കൂടാതെ, ആപ്പിന്റെ വിവരണങ്ങളിൽ കാണുന്ന സ്പെല്ലിംഗ് അല്ലെങ്കിൽ ഗ്രാമർ തെറ്റുകൾ വലിയ മുന്നറിയിപ്പായേക്കാമെന്നും പൊലീസ് പറയുന്നു.

സംശയകരമായ ആപ്പുകൾ കണ്ടാൽ, അവയുടെ ഓദ്യോഗിക വെബ്സൈറ്റ് സന്ദർശിച്ച് വിവരങ്ങൾ ശരിവെക്കണം.

ഉപയോക്തൃ റിവ്യൂകളും റേറ്റിംഗുകളും പരിശോധിക്കുന്നതും അത്യാവശ്യമാണ്. അസാധാരണമായ പെർമിഷനുകൾ ആവശ്യപ്പെടുന്ന ആപ്പുകൾ ഇൻസ്റ്റാൾ ചെയ്യുന്നത് ഒഴിവാക്കണം.

പ്രത്യേകിച്ച്, അഡ്മിനിസ്ട്രേഷൻ പെർമിഷൻ ആവശ്യപ്പെടുന്ന ആപ്പുകളോട് പൊലീസ് ശക്തമായ മുന്നറിയിപ്പാണ് നൽകുന്നത്.

സി എം വിത്ത് മീ പരാതി പരിഹാര സെല്ലിൽ വിളിച്ച് സ്ത്രീകളോട് അശ്ലീലം പറഞ്ഞയാൾ അറസ്റ്റിൽ

ആവശ്യത്തിലേറെ പെർമിഷൻ ആവശ്യപ്പെടുന്ന ആപ്പുകൾ ഒഴിവാക്കുക

ഇത്തരം പെർമിഷൻ അനുവദിക്കുന്നത് ഫോണിലെ ഫയലുകൾ, സ്റ്റോറേജ്, പാസ്‌വേഡുകൾ എന്നിവ ഉൾപ്പെടെ മുഴുവൻ നിയന്ത്രണവും ആപ്പിന് നൽകുന്നതാണ്. ഇത് ഉപയോക്താവിനെ പൂർണ്ണമായും അപകടത്തിലാക്കാൻ സാധ്യതയുണ്ട്.

ആപ്പ് ആവശ്യപ്പെടുന്ന എല്ലാ പെർമിഷനുകളും മനസ്സിലാക്കി മാത്രം ഇൻസ്റ്റാൾ ചെയ്യണമെന്ന് പൊലീസ് നിർദേശിക്കുന്നു.

പ്രൈവസി സെറ്റിംഗുകൾ കർശനമാക്കണമെന്ന് പൊലീസ് മുന്നറിയിപ്പ്

അനാവശ്യമായി ലൊക്കേഷൻ, കോൺടാക്ട്സ്, ഇമെയിൽ, ഫോണ്നമ്പർ പോലുള്ള സ്വകാര്യ വിവരങ്ങൾ ആവശ്യപ്പെടുന്ന ആപ്പുകൾ ഒഴിവാക്കണമെന്നും നിർദേശം.

ഇൻസ്റ്റാൾ ചെയ്തശേഷവും പെർമിഷനുകൾ ഇടയ്ക്കിടെ പരിശോധിച്ച് പ്രൈവസി സെറ്റിംഗുകൾ ശക്തമാക്കണം.

മൊബൈൽ സുരക്ഷ അവഗണിക്കുന്നത് സൈബർ തട്ടിപ്പുകാർക്ക് വഴിയൊരുക്കുന്നതിനാൽ, ഓരോ ഉപയോക്താവും ഈ നിർദേശങ്ങൾ കൃത്യമായി പാലിക്കണമെന്ന് പൊലീസ് മുന്നറിയിപ്പ് നൽകി.

English Summary

Kerala Police has issued a warning to mobile users as cyber fraud cases increase. Users are advised to verify developer details, watch for spelling errors in app descriptions, check user reviews, and avoid apps asking for unnecessary or admin-level permissions. Police stress the importance of monitoring app permissions and strengthening privacy settings to prevent data theft and fraud.