കാസര്കോട്: എട്ടര വർഷത്തെ സേവനത്തിന് ശേഷം കെ -9 സ്ക്വാഡിലെ ട്രാക്കര് പൊലീസ് നായ റൂണിയ്ക്ക് വിരമിക്കൽ യാത്രയയപ്പ് നൽകി കാസര്കോട് പോലീസ്. 500 ലധികം കേസുകളുടെ ഭാഗമായി പ്രവര്ത്തിച്ച ജര്മ്മന് ഷെപ്പേര്ഡ് വിഭാഗത്തില്പ്പെട്ട റൂണി 2016 ഏപ്രില് പത്ത് മുതല് സേനയുടെ ഭാഗമാണ്. പ്രമാദമായ പല കേസുകളിലും റൂണി മികവ് തെളിയിച്ചിട്ടുണ്ട്.(police dog Rooney was given a farewell by the Kasaragod police)
ജില്ലാ പൊലീസ് മേധാവി ഡി.ശില്പയുടെ സാനിധ്യത്തിലായിരുന്നു പരിപാടി സംഘടിപ്പിച്ചത്. കാസര്കോട് പൊലീസ് സംഘടിപ്പിച്ച യാത്രയയപ്പ് ചടങ്ങിന് അഡീഷണല് എസ്പി ബാലകൃഷ്ണന് നായരും അടക്കമുള്ള ഉന്നത പൊലീസ് ഉദ്യോഗസ്ഥർ പങ്കെടുത്തു.
ചിറ്റാരിക്കാല് സ്റ്റേഷന് പരിധിയിലെ കൊലപാതകമാണ് റൂണിയുടെ ആദ്യത്തെ കേസ്. 2018-ൽ കേരള പൊലീസ് ഡ്യൂടി മീറ്റിൽ സിൽവർ മെഡലും 2019-ൽ ലക്നൗവിൽ നടന്ന ഓൾ ഇൻഡ്യ പൊലീസ് ഡ്യൂട്ടി മീറ്റിൽ ഏഴാം സ്ഥാനവും കരസ്ഥമാക്കിയിരുന്നു. ഒമ്പതുവയസും എട്ടുമാസവും പ്രായമായ റൂണിയുടെ വിശ്രമ ജീവിതം ഇനി തൃശൂര് വിശ്രാന്തിയിലാണ്.
