പാലക്കാട്: രാഹുല് മാങ്കൂട്ടത്തില് എംഎല്എയ്ക്കെതിരെ പോലീസ് കേസ് രജിസ്റ്റർ ചെയ്തു. പാലക്കാട് മുന്സിപ്പാലിറ്റിയിലേക്ക് നടന്ന മാര്ച്ചുമായി ബന്ധപ്പെട്ടാണ് നടപടി.
യൂത്ത് കോണ്ഗ്രസ്, കോൺഗ്രസ് പ്രവര്ത്തകര്ക്കെതിരെയും കേസെടുത്തിട്ടുണ്ട്. പാലക്കാട് നഗരസഭയിലെ ബൗദ്ധിക ഭിന്നശേഷി നൈപുണ്യ വികസന കേന്ദ്രത്തിന് ആര്എസ്എസ് നേതാവ് കെ.ബി ഹെഡ്ഗെവാറിന്റെ പേര് നല്കിയതില് പ്രതിഷേധിച്ച് ഇന്നലെ നഗരസഭയിലേക്ക് മാര്ച്ച് നടത്തിയിരുന്നു. ഈ മാർച്ചിൽ സംഘര്ഷമുണ്ടാകുകയും ഒരു പൊലീസുകാരന് പരുക്കേല്ക്കുകയും ചെയ്തു.
മാർച്ചിന് പിന്നാലെ യൂത്ത് കോണ്ഗ്രസ് പ്രവര്ത്തകര് മുന്സിപ്പാലിറ്റിയിലേക്ക് അതിക്രമിച്ച് കയറിയിരുന്നു. ഇതുമായി ബന്ധപ്പെട്ടാണ് നിലവിൽ കേസെടുത്തിരിക്കുന്നത്.
പൊലീസിന്റെ കൃത്യനിര്വഹണം തടയല് അടക്കമുള്ള വകുപ്പുകളാണ് ചുമത്തിയിരിക്കുന്നത്. പൊലീസ് സ്വമേധയ എടുത്ത കേസിന് പുറമേ ബിജെപിയും പരാതി നല്കിയിട്ടുണ്ട്.
