കോഴിക്കോട് നടക്കാവിൽ പോലീസിനു നേരെ യുവാക്കളുടെ ആക്രമണം. രാത്രി പെട്രോളിങ്ങിനിടെ പരിശോധന നടത്തുമ്പോൾ, കാറിൽ എത്തിയ രണ്ട് യുവാക്കൾ പോലീസ് ഉദ്യോഗസ്ഥരെ ആക്രമിച്ചു. Police attacked by youth in Kozhikode

സംഭവത്തിൽ, നടക്കാവ് പോലീസ് സ്റ്റേഷനിലെ എഎസ്ഐ സിജിത്ത്, സിപിഒമാരായ നവീൻ, രതീഷ് എന്നിവർക്കു പരിക്കേറ്റു. വെള്ളിയാഴ്ച പുലർച്ചെയായിരുന്നു ഈ സംഭവം.

അരയിടത്തുപാലം ബീവറേജിന് സമീപം സംശയാസ്പദമായ നിലയിൽ കണ്ട കാർ പോലീസ് പരിശോധിക്കുകയായിരുന്നു. ഈ സമയത്ത്, യുവാക്കൾ പോലീസ് ഉദ്യോഗസ്ഥരെ ആക്രമിച്ചു. തുടർന്ന്, അവർ സ്ഥലത്ത് നിന്നും ഓടി രക്ഷപ്പെട്ടു.

പരിക്കേറ്റ പോലീസ് ഉദ്യോഗസ്ഥർ ബീച്ച് ആശുപത്രിയിൽ പ്രാഥമിക ചികിത്സ തേടി. ആരുടെയും പരിക്ക് ഗുരുതരമല്ലെന്ന് റിപ്പോർട്ട് ചെയ്യുന്നു. അക്രമികൾക്കായി പോലീസ് അന്വേഷണം ആരംഭിച്ചിട്ടുണ്ട്. അക്രമികൾ സഞ്ചരിച്ച കാർ പോലീസ് കസ്റ്റഡിയിലെടുത്തു.