കട്ടക്കൊമ്പനൊപ്പം ഫോട്ടോഷൂട്ട്; വിനോദസഞ്ചാരികളെകൊണ്ട് പൊറുതിമുട്ടി; നടപടി എടുക്കണമെന്ന് നാട്ടുകാർ

മൂന്നാര്‍: മൂന്നാറിലെത്തുന്ന വിനോദസഞ്ചാരികള്‍ക്ക് കാട്ടാനകളെ പ്രകോപിപ്പിക്കുന്നത് വിനോദമാകുന്നു. കഴിഞ്ഞ ദിവസം മൂന്നാര്‍ സെവന്‍മല എസ്റ്റേറ്റില്‍ ആനയുടെ തൊട്ടടുത്ത് നിന്ന് യുവാവ് ഫോട്ടോ പകർത്താൻ ശ്രമിച്ചു. തേയിലത്തോട്ടത്തില്‍ നിലയുറപ്പിച്ച കട്ടക്കൊമ്പന്‍ എന്ന ആനക്കൊപ്പമായിരുന്നു യുവാവ് ഫോട്ടോ ഷൂട്ട് നടത്തിയത്. കാട്ടാനകളുടെ ആക്രമണം രൂക്ഷമാകുന്നതിനിടെയാണ് ഇത്തരം സംഭവങ്ങള്‍ അരങ്ങേറുന്നത്. കാട്ടാനകളെ പ്രകോപിക്കുന്ന രീതിയിലെ ഇത്തരം സാഹചര്യങ്ങള്‍ തടയണമെന്ന ആവശ്യമുയര്‍ന്നിട്ടുണ്ട്. ഇത്തരക്കാര്‍ക്കെതിരെ കര്‍ശന നടപടി എടുക്കണമെന്നും നാട്ടുക്കാര്‍ വ്യക്തമാക്കി.
ഇത്തരം സംഭവങ്ങള്‍ സമൂഹമാധ്യമങ്ങളില്‍ വൈറലാണ്. ജനവാസമേഖലകളില്‍ ആനകളുടെ ശല്യം കൂടി വരുന്ന സാഹചര്യത്തിലാണ് ആളുകളുടെ ഭാഗത്തുനിന്നും ഇത്തരം സമീപനം ഉണ്ടാകുന്നത്.