രാഹു കാലം കഴിയുംവരെ ഓഫീസിൽ കാലുകുത്തില്ലെന്ന് പുതിയ ചെയർപേഴ്സൺ, മുക്കാൽ മണിക്കൂറോളം കാത്ത് നിന്ന് ഉദ്യോഗസ്ഥർ; സംഭവം പെരുമ്പാവൂരിൽ
കൊച്ചി: രാഹുകാലം കഴിയാതെ നഗരസഭാ ഓഫീസിൽ കയറില്ലെന്ന നിലപാടെടുത്ത് പുതുതായി അധികാരമേൽപ്പിച്ച ചെയർപേഴ്സൺ. ഇതോടെ പെരുമ്പാവൂർ നഗരസഭയിൽ ഉദ്യോഗസ്ഥരും പാർട്ടി പ്രവർത്തകരും മുക്കാൽ മണിക്കൂറോളം കാത്തുനിൽക്കേണ്ട സാഹചര്യമുണ്ടായി.
പെരുമ്പാവൂർ നഗരസഭയിലെ പുതിയ ചെയർപേഴ്സണായി യുഡിഎഫിന്റെ കെ.എസ്. സംഗീത സത്യപ്രതിജ്ഞ ചെയ്തത് രാവിലെ 11.15ഓടെയായിരുന്നു.
എന്നാൽ 12 മണിക്ക് രാഹുകാലം കഴിയാതെ താൻ ഓഫീസിൽ പ്രവേശിക്കില്ലെന്ന കടുംപിടിത്ത നിലപാടാണ് തുടർന്ന് സംഗീത സ്വീകരിച്ചത്. ഇതോടെ നഗരസഭാ ഓഫീസിന് മുന്നിൽ ഉദ്യോഗസ്ഥരും ഒപ്പമെത്തിയ പാർട്ടി പ്രവർത്തകരും ഏറെ നേരം കാത്തുനിന്നു.
29 അംഗങ്ങളുള്ള പെരുമ്പാവൂർ നഗരസഭയിൽ നടന്ന തിരഞ്ഞെടുപ്പിൽ യുഡിഎഫിന് 16 വോട്ടുകൾ ലഭിച്ചപ്പോൾ എൽഡിഎഫിന് 11 വോട്ടുകൾ മാത്രമാണ് ലഭിച്ചത്.
രണ്ട് അംഗങ്ങളുള്ള എൻഡിഎ തിരഞ്ഞെടുപ്പിൽ നിന്ന് വിട്ടുനിന്നിരുന്നു. രാഹുകാലവുമായി ബന്ധപ്പെട്ട ചെയർപേഴ്സന്റെ നിലപാട് രാഷ്ട്രീയ രംഗത്തും സമൂഹമാധ്യമങ്ങളിലും ചർച്ചയായിരിക്കുകയാണ്.
English Summary
In Perumbavoor municipality, newly elected UDF chairperson K.S. Sangeetha refused to enter the municipal office until Rahu Kalam ended, despite having taken oath at 11:15 am. Her decision led to officials and party workers waiting for nearly 45 minutes at the office. The incident has sparked debate and discussion. In the 29-member council, the UDF secured 16 votes, LDF 11 votes, while the NDA abstained from the election.
perumbavoor-municipality-chairperson-rahu-kalam-controversy
perumbavoor municipality, ks sangeetha, rahu kalam, udf, local body election, kerala politics, municipal news
